Urbano la 1-a
El Vikipedio
La sankta Urbano estis episkopo de Romo (222-230). Li estis filo de Pontiano.
Eŭsebio de Cezareo mencias lin en sia Historio de la Eklezio. Ekzistas epigrafo Coemeterium Callisti kun lia nomo, sed pri lia vivo oni scias nenion. La eklezio nomas la 25-a de majo kiel lia memortago, parolas pri granda nombro da konvertitoj, inter ili Valeriano, edzo de la sankta Cecilia, kaj lia frato Tiburtio. Oni diras, ke li mortis kiel martiro kaj entombiĝis en la Coemetarium Praetextati.
Sankta Urbano la 1-a estas patrono de Mastriĥto, Toledo, Troyes kaj Valencio; de la vitejoj, vino, vinkulturistoj kaj barelistoj; kontraŭ ebrieco, artrito, frosto, fulmotondro kaj fulmo.
La funkcio kiel patrono de la vinkulturistoj ekestis per intermikso kun la sankta Urbano de Langres.
[redaktu] memortagoj
- katolika memortago: 25-a de majo
