George W. Bush
Wikipedia(e)tik
Datu pertsonalak | ||
---|---|---|
Izen osoa | George Walker Bush | |
Jaiotza data | 1946ko uztailaren 6a | |
Jaiotza lekua | New Haven, Connecticut (AEB) | |
Agintaldi datuak | ||
Zenbakia | AEBtako 43. presidentea | |
Agintaldiaren iraupena |
2001eko urtarrilaren 20tik gaur arte |
|
Lehen Dama | Laura Welch Bush | |
Aurrekoa | Bill Clinton | |
Alderdi politikoa | Errepublikarra | |
Sinadura |
George Walker Bush 2001 urtetik gaur egun arte, Amerikako Estatu Batuetako presidentea da. Batasuneko 43. presidentea izan da. Lehenago (1995-2000), Texas estatuko 46. gobernatzaile izan zen errepublikar hau. AEBetatako politikako familia ospetsuenetakoa da. Izan ere, aita George H. W. Bush presidentea du, eta anaia Jeb Bush, egungo Floridako gobernatzailea.
Texasko petrolioko industrian aritutakoan, 1978an Ordezkarien Etxerako hautagai izan zen George W. Bush. Porrot egin ostean, aitaren presidentziarako kanpainian parte hartu zuen. Texas Rangers beisbol taldeko zatiaren jabea izan zen, eta, 1994an Texasko gobernatzailea hautatu zuten. Texasko agintean, hezkuntzako finantza-sistema eraberritu eta Texasko historiako zerga murrizketa handiena burutu zuen. 1998an berriro hautatu zuten.
2000n AEBetatko presidentziarako hauteskundeak irabazi zituen Al Goren kontra, nahiz eta oso lehia estua eta polemikoa izan. Bozketa gehien jaso ez arren, hauteskunde sistemaren arabera estatuek erabakitzen dute irabazlea. Floridan suertatu zen lehia estuena eta polemikoena, baina Epaitegi Gorenaren ebazpen bat dela medio, garaile atera zen Bush.
Agintean, zerga murrizketa handiak egin ditu umeak babesteko programetan, eta Osasun sistema pribatizatzen ahalegindu da. Arlo sozialean ere jokabide kontserbadorea izan du, abortoa eta sexu berekoen arteko ezkontzak oztopatuz.
2001eko irailaren 11ko atentatuen ondoren, Terrorismoaren kontrako gerra deitu zuen. Afganistanen inbasioa aginduta, talibanen gobernua eraitsi zuen, Al-Kaida birrintzeko eta Osama bin Laden atzemateko nahian. AEBan barnan, haren sona hazi zen.
Horren ostean Iraken inbasioa agindu zuen Saddam Hussein Irakeko presidenteak zituen suntsipen handiko armak baliogabetzen ez zituelako. Hala ere, horren gaineko ikerketak bukatzekoak ziren, eta herrialdea menderatu ostean ere suntsipen handiko armak ez dira agertu.
Bere burua Gerra garaiko presidentetzat jota, 2004ko presidentziarako hauteskundeak irabazi zituen Bushek. Haren geroztik, gero eta kritika gehiago jaso du, baita aliatuen partetik ere. Izan ere, gerraosteko Iraken egoerak (batez ere Abu Ghraib espetxeko torturen eskandalua) zein barneko auziek (hala nola zelulen ikertzea, Katrina urakana..) Bushen sona jeitsi dute.
Ameriketako Estatu Batuetako presidenteak | ||
---|---|---|
Washington • J Adams • Jefferson • Madison • Monroe • JQ Adams • Jackson • Van Buren • W Harrison • Tyler • Polk • Taylor • Fillmore • Pierce • Buchanan • Lincoln • A Johnson • Grant • Hayes • Garfield • Arthur • Cleveland • B Harrison • Cleveland • McKinley • T Roosevelt • Taft • Wilson • Harding • Coolidge • Hoover • F Roosevelt • Truman • Eisenhower • Kennedy • L Johnson • Nixon • Ford • Carter • Reagan • GHW Bush • Clinton • GW Bush |
Artikulu hau pertsona baten biografiari buruzko zirriborroa da. Wikipedia lagun dezakezu edukia osatuz. |