Churrasco
Na Galipedia, a wikipedia en galego.
Churrasco é un termo que se refire á carne á grella cociñada nun amplo número de países desde Galiza e Portugal a America Latina particularmente na Arxentina, Brasil e Nicaragua.
O churrasco en Galicia, refírese case en exclusiva ás costeletas de porco ou tenreira á grella. A receita do churrasco é sen dubida unha das máis evidentes herdanzas do período das grandes emigracións galegas á America do século XX. Hoxendia, preparar unha churrascada coa familia e amigos ou ir xantar a unha churrasquería pode considerarse un elemento definitorio da Galiza do noso tempo, non importa a clase social ou o idioma que se fale.
- Na Arxentina, o churrasco faise con bistecs cortados en anacos grandes. Os Gauchos facían churrasco coma parte do seu tradicional asado, que se converteu no prato nacional do pais, servido co coñecido chimichurri, ensalada e patacas fritas ou en puré, mesmo cun ovo frito. Tamén se come churrasco en Bolivia, Paraguai e Uruguai.
- En Nicaragua, o termo churrasco refírese á ó bisté de solombo. Tamen se serve con chimichurri e é asimesmo un dos pratos tradicionais do país. O churrasco feito ó xeito de Nicaragua é moi famoso en Cuba, Tailandia, Nixeria e en Texas.
- En Chile, churrasco refírese tamén a un bisté á grella, mais cortado en anacos finos, e cómese coma un bocadillo. As porcións ásanse á grella e sírvense nun bolo torrado, acompañado normalmente con tomate, aguacate. Se leva maionesa, chámaselle churrasco italiano. Se leva patacas e ovos fritos e cebolas acarameladas, chámaselle "churrasco do pobre".
- No Brasil, churrasco refírese a calquera carne cociñada na "churrasqueira". A diferenza das nosas churrasqueiras, as brasileiras non teñen grella senon espetos (tamén alí chamados así) onde pór a carne sobre o lume. A carne de gando (tenreira, ovella ou porco) só se prepara con sal groso na tradición gaúcha, mentres que no caso do polo leva ourego, viño branco ou limón ou vinagre, allo, cebola e perexil, deixándose macerar durante doce horas. Os assadores utilizan para o seu labor facas, unha chaira (para afialas) e garfão (que non se afía). A tradición máis forte procede do Río Grande do Sul, que limita co Uruguai e coa Arxentina.
- En Portugal, o Frango de Churrasco con piri piri (un tipo de polo salgado á brasa cociñado na churrasqueira, ó que se lle bota salsa de pemento picante) é moi popular. O feito de que se faga con polo e non con tenreira ou porco sorprende a moitos galegos cando piden por primeira vez un churrasco nun restaurante luso. A variante portuguesa do churrasco é moi coñecida en tódolos países con grandes colonias de emigrantes portugueses.
A churrasquería é un restaurante onde se prepara churrasco. Son moi tipicas en Galiza, e tamen no Brasil. É un local onde a carne servida se prepara nestes fornos. Os chamados Rodizios son churrasquerias na que os camareiros van arredor do restaurante cos pinchos e serven directamente no prato do cliente.
