Konrad Adenauer
Na Galipedia, a wikipedia en galego.
| Konrad Adenauer | |
| Cargo: | Chanceler de Alemaña |
| Goberno: | 15 de setembro de 1949 - 16 de outubro de 1963 |
| Predecesor: | Lutz Schwerin von Krosigk |
| Sucesor: | Ludwig Erhard |
| Nacemento: | 5 de xaneiro de 1876 |
| Morte: | 19 de abril de 1967 |
| Partido Político: | Partido de Centro, CDU |
| Profesión: | Avogado |
Konrad Adenauer (5 de xaneiro de 1876 - 19 de abril de 1967) foi un home de estado e chanceler alemán, que xunto con Robert Schuman. Jean Monnet e Alcide De Gasperi, é considerado como "pai de Europa" en referencia á Unión Europea.
[editar] Vida política
Adenauer, como político do Partido de Centro (Zentrum), foi gobernador de Colonia de 1917 a 1933, e desa forma, coqueteou coa creación dun estado renano dentro de Alemaña pero separado de Prusia a principios dos 1920. De 1922 a 1933 foi chanceler do consello de estado prusiano. En 1933 foi encarcerado pola súa oposición aos nazis.
Foi o primeiro chanceler da República Federal de Alemaña de 1949 a 1963, un período que abrangue a maior parte da etapa preliminar da Guerra Fría. Neste período, Alemaña Occidental foi separada politicamente de Alemaña Oriental. Adenauer foi co-fundador da CDU, sucesora do Zentrum, coa esperanza de atraer aos protestantes así como aos católicos nun só partido.
Adenauer iniciou a reconstrución de Alemaña Occidental e axudou a converter á nación nunha potencia económica. Tamén cabe salientar que Adenauer dirixiu a reconciliación de Alemaña con Francia e os outras potencias aliadas. Baixo o goberno de Adenauer, á Alemaña Occidental foille permitido rearmarse e unirse á OTAN. Adenauer tamén abriu relacións diplomáticas coa Unión Soviética e o resto do bloque Leste. En 1955 logrou asegurar a liberación dos últimos prisioneiros de guerra alemáns.
En 1959 brevemente considerou contender para o posto de presidente, pero en lugar diso escolleu a un candidato (Heinrich Lübke) ao que consideraba o suficientemente feble como para non molestar os seus asuntos como chanceler.
En 1962 o escándalo Spiegel fixo erupción, cando a policía baixo ordes do gabinete arrestou a cinco xornalistas do Der Spiegel, acusándoos de traizón, especificamente por publicar un memorando detallando supostas debilidades nas forzas armadas alemás. Os membros do gabinete que pertencían ao Partido Democrático Libre renunciaron aos seus postos en novembro de 1962, e o Ministro de Defensa Franz Josef Strauß, líder da Unión Social Cristiá, foi despedido, seguido polos membros do gabinete que formaban parte do mesmo partido. Adenauer foi forzado a renunciar e foi sucedido por Ludwig Erhard, aínda que permaneceu como líder da CDU ata 1966.
O estilo autocrático de Adenauer creou bastante descontento político, o cal terminou desencadeando as Revoltas estudantís dos 1960 e a toma do poder por parte do Partido Socialdemócrata de Alemaña en 1969. O seu control irrestrinxido da CDU finalizou cando o congreso da CDU designou a un administrador xeral co poder para organizar o partido. Durante o seu goberno, moitos científicos alemáns emigraron a EE.UU en busca dun ambiente de investigación máis liberal.
Moitas conversacións de Adenauer con xornalistas selectos, revelan o brillante coñecemento político que posuía. Por exemplo, el previu detalladamente cómo o desenvolvemento económico terminaría por iniciar a caída do réxime comunista en Europa do Leste.
| Precedido por:
Lutz Schwerin von Krosigk |
Chanceler de Alemaña
1949-1963 |
Sucedido por:
Ludwig Erhard |
| Precedido por:
Lutz Schwerin von Krosigk |
Ministro de Asuntos Exteriores
1951-1955 |
Sucedido por:
Heinrich von Brentano dei Tremezzo |
