iosef. poi bersa la matitia'uv
From Wikipedia
ni'o ni'o no mo'o la iosef poi bersa la matitia'uv ku'o pu xebro je circre i je ko'a ca lo nu binxo lo latmo je'acmi cu selme'e zoi ly Titus Flavius Josephus ly no'u lu titus fla,ui,us iosepus li'u i je ko'a jbena fi li ji'i nonocize gi'e mrobi'o de'i li ji'i nopanono i je lo jdaca'i e lo nolraitru cu dzena ko'a i je ko'a zgana lo nu daspo la iyrucaloi,im de'i li nonozeno i je loi selfi'i be ko'a cu ca vajni lo nu jimpe fi lo brojda be ca'o lo pa moi ctona'a
[edit] ni'o ni'o pa mo'o selfri
ni'o ko'a cu damba loi latmo va'o lo nunjamna be loi xebro bei loi latmo bei de'i li nonoxaxa bi'o nonozeci i ca bo ko'a xebro ke jamna catni bu'u la galil i je ku'i ko'a va'o da poi nadyseljmi ku'o gau vo'a cu binxo lo pinfu be lo latmo bilni poi gunta la galil de'i li nonoxaze i je ko'a cu jungau loi latmo zo'e pe se ra'a lo ca'o nunprojamna i loi latmo sonci cu se jatna la fla,ui,us uespasianus e lo bersa be ri be'o no'u la titus i je fy u bu e ty ba latmo nolraitru i ko'a de'i li nonoxaso cu se zifcru i je ko'a du'o vo'a de'i li nonozeno cu jansu loi latmo lo nu sisti lo nu sruri seirgau la iyrucaloi,im
ni'o ko'a de'i li nonozepa se pa'u lo bende pe la titus cu klama la romas i je ko'a binxo lo latmo je'acmi i ki'u bo ko'a cu selme'e ji'a lu titus fla,ui,us iosepus li'u i ji'a lo nu ko'a xabju lo pu zdani be la uespasianus cu selcru i je ko'a se dunda lo tumla be la iudai,as be'o e so'o velne'u jdini i ko'a ca lo nu zvati la romas cu finti ro da poi nau slabu
ni'o ko'a de'i li ji'i nonozeno cu za'e zazyspesti lo pa moi gi'e spebi'o lo xebro be ra'i la iskandari,ias gi'e rorci fi xy fe lo re mei no'u la noi bersa fla,ui,us urkanus e lo re moi noi no da selju'o fi ke'a i ko'a de'i li ji'i nonozemu cu za'u re'u za'e zazyspesti gi'e ci re'u spebi'o gi'e rorci lo bersa re mei no'u la fla,ui,us iustus e la simonides agripas
[edit] ni'o ni'o re mo'o selfi'i
ni'o ko'a finti mu cukta
- i pa mai ko'a de'i li nonozemu cu finti la'e la'o xy Ἰστορία Ἰουδαϊκοῦ πολέμου πρὸς Ῥωμαίους xy noi se fanva fu lu citri lo nunjamna be loi xebro bei loi latmo li'u i ko'a ve cu'u lo se go'i cu skicu lo bi'u nai nunjamna poi renvi de'i li nonoxaxa bi'o nonozeci ku'o e ji'a lo selzu'e be ko'a bei va'o ra i ko'a finti lo bi'u nai cukta bau lo banrxarama gi'e ba za fanva cy lo xesybau
- i re mai ko'a de'i li nonozemu cu finti la'e lu prosa la aides fo loi xelso li'u
- i ci mai ko'a de'i li nonosovo cu finti la'e la'o xy Ἰουδαϊκὴ Ἀρχαιολογία xy noi se fanva fu lu xebro tolci'o bo citri li'u i lo se go'i cu citri be lo xebro natmi be'o co temci be lo nu lo munje cu cfari bei lo nu lo bi'u nai nunjamna cu cfari i la'e la'o ly Testimonium Flavianum ly noi se fanva fu lu velji'i ra'i la fla,ui,us li'u cu pagbu lo go'i gi'e pa moi prosa la iecu,yx ve cu'u da poi nalxi'o i je ku'i loi steci tadni cu na'e mulno birti lo du'u lo go'i cu je'a se finti ko'a e nai lo balvi je xriso jmina bo finti
- i vo mai ko'a de'i li nonosoze cu finti la'e la'o xy κατ' Ἀπιώνος xy noi se fanva fu lu darlu fapro la apion li'u i lo se go'i se cu'u loi xelso cu bandu lo xebro ke kulnu je lijda
- i mu mai ko'a de'i li nonososo cu finti la'e la'o xy Ἰωσήπου βιὸς xy noi se fanva fu lu jmive selfri la iosef li'u
