ಅನಂತನಾಗ್

From Wikipedia

ಅನಂತನಾಗ್ - ಕನ್ನಡ ಚಿತ್ರರಂಗದ ಪ್ರಸಿದ್ಧ ನಾಯಕ ನಟರಲ್ಲೊಬ್ಬರು ಮತ್ತು ಕರ್ನಾಟಕ ರಾಜ್ಯ ಸರಕಾರದಲ್ಲಿ ಹಿಂದೆ ಮಂತ್ರಿಯಾಗಿದ್ದವರು.

ಪರಿವಿಡಿ ೧ ಜೀವನ ೨ ಚಿತ್ರರಂಗದ ಬದುಕು ೩ ರಾಜಕಾರಣದ ಬದುಕು ೪ ಅನಂತನಾಗ್ ಅಭಿನಯದ ಕನ್ನಡ ಚಿತ್ರಗಳು ೫ ಅನಂತನಾಗ್ ಅಭಿನಯದ ಹಿಂದಿ ಚಿತ್ರಗಳು ೬ ಅನಂತನಾಗ್ ಅಭಿನಯದ ಆಂಗ್ಲ ಚಿತ್ರಗಳು ೭ ಕನ್ನಡ ಚಲನಚಿತ್ರ ನಾಯಕರು

[ಬದಲಾಯಿಸಿ] ಜೀವನ

ಅನಂತನಾಗ್ ಅವರ ಸಹೋದರ ಶಂಕರನಾಗ್ ಮತ್ತು ಪತ್ನಿ ಗಾಯತ್ರಿ ಅನಂತನಾಗ್. ಇವರಿಬ್ಬರೂ ಚಲನಚಿತ್ರರಂಗದಲ್ಲಿ, ಸಕ್ರಿಯರಾಗಿದ್ದವರು.

ಮೂಲತಃ ರಂಗಭೂಮಿಯಿಂದ ಬಂದಂತಹ ಅನಂತನಾಗ್, ನಾಗರಕಟ್ಟೆ ವಂಶಸ್ಥರು. ಮಹಾರಾಷ್ಟ್ರದಲ್ಲಿ ಆರಂಭವಾದ ವೃತ್ತಿರಂಗಭೂಮಿಯ ಕೆಲಸ, ನಂತರ ಕರ್ನಾಟಕಕ್ಕೆ ವರ್ಗವಾಗಿ, ಕ್ರಮೇಣ ಕನ್ನಡ ಚಿತ್ರರಂಗ ಸೇರಿದರು. ಕನ್ನಡ ಭಾಷೆಯಲ್ಲದೇ, ಭಾರತದ ಹಲವಾರು ಭಾಷೆಗಳಾದ ಹಿಂದಿ, ತೆಲುಗು, ಮಲಯಾಳಂ, ಮರಾಠಿ ಚಲನಚಿತ್ರಗಳಲ್ಲಿಯೂ ಅಭಿನಯಿಸಿದ್ದಾರೆ.

ಆಂಗ್ಲ ಭಾಷೆಯಲ್ಲಿನ ಸ್ಟಂಬಲ್ ಚಿತ್ರದಲ್ಲಿ ಮುಖ್ಯಪಾತ್ರವನ್ನು ನಿರ್ವಹಿಸಿದ್ದಾರೆ. ಭಾರತದ ಖ್ಯಾತ ಧಾರಾವಾಹಿಗಳಲ್ಲೊಂದಾದ ಶಂಕರನಾಗ್ ನಿರ್ದೇಶನದ ಮಾಲ್ಗುಡಿ ಡೇಸ್ ಧಾರಾವಾಹಿಯಲ್ಲಿ ಅಭಿನಯಿಸಿದ್ದಾರೆ.

[ಬದಲಾಯಿಸಿ] ಚಿತ್ರರಂಗದ ಬದುಕು

ಅನಂತನಾಗ್ ಅವರ ಪ್ರಥಮ ಕನ್ನಡ ಚಲನಚಿತ್ರ ೧೯೭೩ರಲ್ಲಿ ಬಿಡುಗಡೆಯಾದ ಸಂಕಲ್ಪ. ೧೯೭೫ರಲ್ಲಿ ತೆರೆಕಂಡ ಇವರ ಎರಡನೇ ಚಿತ್ರವಾದ ಹಂಸಗೀತೆಯು ಇವರಿಗೆ ಬಹಳಷ್ಟು ಖ್ಯಾತಿಯನ್ನು ಗಳಿಸಿಕೊಟ್ಟಿತು. ತರಾಸು ಅವರ ಕಾದಂಬರಿ ಆಧಾರಿತವಾದ ಈ ಸಂಗೀತ ಪ್ರಧಾನ ಚಿತ್ರದಲ್ಲಿ ಅನಂತನಾಗ್ ಸಂಗೀತ ವಿದ್ವಾನ್ ವೆಂಕಟಸುಬ್ಬಯ್ಯನವರ ಪಾತ್ರ ನಿರ್ವಹಿಸಿದ್ದರು.

[ಬದಲಾಯಿಸಿ] ರಾಜಕಾರಣದ ಬದುಕು

ಬೆಂಗಳೂರಿನ ಮಲ್ಲೇಶ್ವರಂ ವಿಧಾನಸಭಾ ಕ್ಷೇತ್ರದಿಂದ ಚುನಾಯಿತರಾಗಿ, ಕರ್ನಾಟಕ ಸರ್ಕಾರದಲ್ಲಿನ ಶಾಸಕರಾದ ಅನಂತನಾಗ್, ನಂತರ ಜೆ.ಹೆಚ್.ಪಟೇಲ್ ಅವರ ಮಂತ್ರಿಮಂಡಲದಲ್ಲಿ ಮಂತ್ರಿಗಳಾಗಿದ್ದರು.

[ಬದಲಾಯಿಸಿ] ಅನಂತನಾಗ್ ಅಭಿನಯದ ಕನ್ನಡ ಚಿತ್ರಗಳು

• ಸಂಕಲ್ಪ - ೧೯೭೩
• ಹಂಸಗೀತೆ - ೧೯೭೫
• ಮಿಂಚಿನ ಓಟ - ೧೯೮೦
• ಅನುಪಮ - ೧೯೮೧
• ಕಾಮನಬಿಲ್ಲು - ೧೯೮೩
• ಬೆಳದಿಂಗಳ ಬಾಲೆ - ೧೯೯೫

[ಬದಲಾಯಿಸಿ] ಅನಂತನಾಗ್ ಅಭಿನಯದ ಹಿಂದಿ ಚಿತ್ರಗಳು

• ಕಲಿಯುಗ್
• ಗೆಹ್ರಾಯುನ್
• ಉತ್ಸವ್

[ಬದಲಾಯಿಸಿ] ಅನಂತನಾಗ್ ಅಭಿನಯದ ಆಂಗ್ಲ ಚಿತ್ರಗಳು

• ಸ್ಟಂಬಲ್