Perseus (sidus)
E Vicipaedia
| Data Persei constellationis | |
|---|---|
| Nomen | Perseus |
| Genetivus | Persei |
| Abbreviatio | Per |
| Situs | in linea aequinoctiali caeli |
| Ascensio recta | 1 h 25 min ad 4 h 45 min |
| Declinatio | +31° ad +59° |
| Area | 651 gradus quadrati |
| Videri potest inter | -35° ac +90° |
| Numerus stellarum magnitudinis < 3m |
5 |
| Stella lucidissima, Magnitudo |
Mirphac (α Persei), 1,79m |
| Meteorum amnes | Perseidae (mense Sextili), Septembris Perseidae |
| Constellationes vicinae (a septentrionalibus sensu negativo) |
Cassiopeia Andromeda Triangulum Aries Taurus Auriga |
Perseus constellatio est quae in partibus septentrionalibus paene toto anno videri possit. Via lactis per hanc constellationem ducens vix videri potest propter pulveris nubes.
Vna ex lucidiorum stellarum Persei Algol stella variablis est. Iam in mediaevalibus temporibus Arabes Astronomi invenere stellam periodice obscuriorem fieri. Algol nomen de verbo Arabico al Ghul derivatum stella diaboli significat. Algol stella triplex est, cuius principalis a duobus satellitibus obscurioribus circumvenitur quarum una periodice inter stellam principalem et Terram versans lucem eius obscurat.Huiusmodi stellae stellae tegendo variabiles vocantur. Algol oculus Medusae esse dicitur.
[recensere] Mythologia
In Mythologia Graeca Perseus filius Iovis ac Danaae erat. Qui gorgonem Medusam mortiferam vicit, cuius obtutu omne animal in saxum mutatum erat, caput ei praecidens. Etiam Andromedam servavit, quae saxo vincita Ceto sacrificatura erat, quam postea praemium in matrimonium duxit. Itaque Andromeda parentesque sui Cepheus ac Cassiopeia et Cetus ille monstrum item constellationes prope Perseum in caelo sitae sunt.
[recensere] Stellae
| Stella | Nomen | Magnitudo |
|---|---|---|
| α Per | Mirphac, … | 1,79m |
| β Per | Algol | 2,1m–3,4m |
| ζ Per | Mencib | 4,0m |
| Xi Per | Menchib | 4,0m |
| η Per | Miram | 3,9m |
| κ Per | Misam | 4,1m |
| ο Per | Atic | 3,8m |
| ρ Per | Gorgonea Tertia | var 3,2m - 4,1m |
[recensere] Amnes meteorum
Amnis meteorum Perseidarum e Perseo constellatione venire videtur circum Idus Sextilis uniuscuiusque anni. Etiam in mense Septembri amnis minor exstat, nempe Septembris Perseidae.
