Coelestin V. (Poopst)

Vu Wikipedia, der fräier Enzyklopedie.

Dësen Artikel zum Chrëschtentum ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

De Coelestin V. (* 1210 an Isernia, † 19. Mee 1296 an der Biergfestung Fumone bei Anagni) war Poopst vu der Kathoulescher Kierch am Joer 1294. Säin Numm bedäit: Den Himmlechen (latäin).

[Änneren] Säi Liewen

Pietro da Murrone, Bouf vun einfache Leid, ass am Alter vu 20 Joer an de Benediktineruerden agetrueden. Ëm 1240 ass en an eng Hiel um Bierg Murrone bei Sulmone gaanzen, fir do e strengt Liewe a Buße a Gebied ze verbréngen. D'Verlaange, wäit ewech vu Mënschen ze liewen, huet de Pietro no 5 Joer dozou gedriwwe, op de bal onzougängleche Monte Majella ze goen. En ass awer net laang alleng bliwwen: aner Eremite koumen a versammelten sech ëm hien. Dowéint huet de Pietro eng Kongregatioun gestëft, wou se no verschärfte Benediktinerreegele gelieft hunn. Senger Zäit gouf dës Mönchsgesellschaft "Einsiedler des Hl. Damian" oder och "Einsiedler von Murrone" genannt, spéider koum och nach de Numm Cölestiner derbäi. D'Leedung vu der Kongregatioun huet hie scho bal engem Vikar iwwerdroe an ass erëm als zeréck op de Bierg Murrone gaangen, wou en erëm alleng liewe wollt.

Wéi sech déi zwou Parteie vu de Colonna an Orsini nom Doud vum Nikolaus IV. no zwee Joer a dräi Méint net op e Poopstkandidat eenege konnten, gouf op Wonsch vum Karl II. vun Neapel, de 5. Juli 1294 a Perugia de weltfrieme Pietro aus den Abruzzen gewielt, dee vum Vollék als Hellege veréiert gouf. No sengem Gebietskampf huet de Pietro d'Wahl ugeholl an ass op engem Iesel vum Bierg Murrone erofgeridden.

De Pietro, deen sech elo Coelestin V. nennt, ass séier a komplett Ofhängegkeet vum Karl II. geroden a huet missen am Oktober seng Residenz op Neapel verleeën. De Poopst huet geschwënn erkannt, datt en sengem Amt net gewues war an huet nom Fridde vum Allengliewe verlaangert. Beim Kardinol Benedikt Gaetano, deen sech a rechtlech Froe gutt auskannt huet, huet hien ëm Rot gefrot. Deen huet de Coelestin weider Bestäerkt, d'Amt nidderzeleeën an huet d'Ofdankungsformel entwrof. Den 13. Dezember 1294 huet de Coelestin offiziell ofgedankt. De 24. Dezember 1294 gouf de Benedikt Gaetano als Bonifatius VIII. säin Nofolger. De Pietro huet misse flüchten an ass, op Befehl vum neie Poopst verfollegt, an engem ofgeleeënen Bësch bei Sulmona verschwonn. Wéint der ongënschteger Witterung ass et ëm net gelongen, iwwert d'Adria ze entkommen. E gouf ausgeliwwert an huet de Rescht vu sengem Liewen, streng bewaacht, an engem Prisong an der Biergfestung Fumone gelieft. De Clemens V. huet de Pietro de 5. Mee 1313 helleg gesprach.

[Änneren] De Coelestin a welchen Androck en op d'Weltgeschicht huet

Haut gëtt an eisem Kalenner nach de 19. Mee dem Coelestin V. geduecht.

Während de Dante Alighieri den Coelestin a senger Divina Commedia an d'Hell verweist, éiert de Francesco Petrarca dem Coelestin säi Verzicht op Poopsttitel als Beispill un Demut a stellt den Einsiedlerpoopst méi héich wéi d'Apostel a vill aner Helleger.