Nazareth
Vu Wikipedia, der fräier Enzyklopedie.
Nazareth oder Nazaret (Hebräesch: נצרת arab. الناصرة an-Nāṣira) ass eng Stad am Norde vun Israel an der historescher Regioun Galiläa. Zënter dem Mëttelalter war se haaptsächlech vun arabesche Chrëschte bewunnt.
Zesummen mat hirer Schwësterstad Natzerat Illit (נצרת עילית, däitsch Ober-Nazareth) kënnt Nazareth op eng 120.000 Awunner (2005); op Nazerat Illit entfalen dovu 55.000 Awunner, an op Nazareth 65.000. Während Nazerat Illit virun allem vu Judde bewunnt ass, ass d'Bevëlkerung vun Nazareth haaptsächlech muslimrsch, een Deel vun der Bevëlkerung ass chrëchtlech.
[Änneren] Bedeitung
E Kennzeeche vun Nazareth, dat och seng Bedeitung ënnersträicht, ass d'Tatsaach, datt Nazareth als Heemechtsuertschaft vum Jesus ugesi gëtt. No der Duerstellung am Evangelium hunn do seng Elteren, Maria an de Jousef den Zammerer gelieft. Zu Nazareth war et wou den Äerzengel Gabriel d'Gebuert vum Jesus dem Erléiser ugekënnegt huet. Do ass de Jesus och no senger Gebuert (déi dem Evangeliumno zu Betlehem war, a Wierklechkeet awer wahrscheinlech zu Nazareth) och opgewuess.
Haut gehéiert Nazareth zu de wichtegste Pilgerstied am Hellege Land. Op deer Plaz wou den Äerzengel Gabriel Maria d'Gebuert vum Jesus ugekënnegt huet, steet haut déi kathoulesch Verkënnegungsbasilika, déi d'Opschrëft dréit: ''Hic verbum caro factum est ("Hei ass aus dem Wuert liewegt Fleesch ginn"). Si gouf 1964 vum Poopst Paul VI. ageweit.
Natzerat Illit ass am am Géigesaz zu Nazareth eng jonk Stad. Méi wéi d'Halschent vun den Awunner sinn no 1948 zougezunn, haaptsächlech aus der Sowjetunioun. Béid Stied hu getrennt Verwaltungen.
