Beech (dörp)
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Beech (sjpelling volges Veldeke, plaatselik meistal Beeg, Nederlands Grevenbicht) is 'n dörp in de gemeinte Zittert-Gelaen in Nederlands Limburg. Tot 1982 waor 't 'n zelfsjtendige gemeinte. De Belzje buurtsjap Booien huèrde toen ouch bie Beech. Same mèt Opbeech, Papenhaove en Sjipperskèrk lik Beech op ein eiland tösje de Maas en 't Julianakanaal. 't Dörp haet in 2002: 2700 inweunersj. De naam beeg beteikent umheind terrein. 't Veurvoogsel Greven in de Nederlandse naam wies nao de graaf (van Gulik).
Vanoet Beech veurt 't Vaerke, allein veur luuj te voot of mèt de fiets, de Maas euver. Aanlèkplaats in Belsj ies Rotem.
[bewirk] Kern
- Papenhaove (Papenhoven)
[bewirk] Bezeenswaerdig
- Katholieke kèrk oet de 19e ièw, gewiejd aan de heilige Ketrien (Catharina). Dit is ouch de pariochiekèrk van Papenhaove.
- Hervormde kèrk geboewd in 1851
- Veurmalige synagoge veur de Juudse gemeinte oet 1818. In 1966 is dit geboew ingriepend gerestaureerd, naodat 't interieur al gesjloop waor.
- Juudse begraafplaats op 'ne, vermoedelik, ouwe Romeinse graafheuvel. Dees is in gebruuk genómme in 1803.
- De Kingbaekmeule is 'n watermeule op de Kingbaek vlak bie de Grensmaas woa 't vaerke 'n euversjteek maak nao Belsj.
[bewirk] Dörpsvereiniginge
- Folkoristische vereiniging de Gawstrèkkersj.
Zie organisere mèt de Vastelaovend op Döllen dinsdig 't Gawstrèkke. De winnaer weurt Gawzekäöning van Beech.
- Heemkundevereiniging Bicht
- Hermenie St. Cecilia
- Käöninklijke hermenie Aurora
- Vastelaovesvereiniging De Zawpense
- VV Armada
|
|
|
|---|---|
| Sjtae en dörper: Bor | Beech | Buchte | Einikhoeze | Gelaen | Göttekaove | Houtem | Lömmerig | Munstergelaen | Opbeech | Papenhaove | Zittert | |
| Buurtsjappe en gehuchte: Abshaove | Broukzittert | Danike | Euverhaove | Gebrook | De Graathei | Haagzittert-park | Harrekaove | Hogenberg | Klein Houtem | De Kloes | Kolleberg | De Kraonkel | Laarhof | Lankgraaf | Leiebrouk | De Lèndjheuvel | 't Lömmerigerveld | Lötterao | Oud-Gelaen | Sjpaans Nirbik | Sjpaorkóllenie | Sjtadbrouk | Sjipperskèrk | Vrangendal | De Wèndjraak | |
