Zittert
Van Wikipedia
Dit artikel is gesjreve in 't Zittesj. 't Weurt gewaardeerd óm in dit artikel 't Zittesj aan te hauwe of aan te gaeve welk anger dialek gebroek is.
Zittert of Zitterd (Nederlands: Sittard) is 'n sjtad in de gemeinte Zittert-Gelaen in Hollesj Limburg, 'n gemeinte die in 2001 gevörmp is bie 'n samevouging van de gemeintes Zittert en Gelaen. 't Aantal inweunesj waar 38.865 op 1 jannewari 2004. Euver de sjriefwies van de Limburgse naam besjteit verdeildheid; op de plaatsnaamsjildjes aan de sjtadsgrenze sjteit Zitterd, de plaatsnamelies van dialekvereiniging Veldeke geuf Zittert.
Inhawd |
[bewirk] Kerne
- Broukzittert (Broeksittard)
- Haagzittert-Park (Haagsittard-Park)
- Kolleberg (Kollenberg)
- Laarhof (Lahrhof)
- Leiebrouk (Leijenbroek)
- Lömmericherveld (Limbrichterveld)
- Sjpaorkollenie
- Ophaove (Ophoven)
- Euverhaove (Overhoven)
- Sjtadbrouk (Stadbroek)
- Vrangendael (Vrangendael)
[bewirk] Historie
De eesjte vermelling van Zittert dateert oet 1157. De plaatsj wurt vermeld es Siter, wat waarsjienlèk e vröchbaar sjtök gróndj tösje de Gelaenbeek en de Roaj Beek waar. In 1243 kreeg Zittert sjtadsrechte.
't Jaor 1677 nuimp me ouch waal 't Zittesje rampjaor, ómdat de sjtadt doe in drie keer (22 augustus, 2 september, 12 september) groatedeils verwous woort door de Franse. pès dat jaor waar de sjtad 'n vestingsjtad gewaes.
Tösje 1400 en 1794 haet Zittert bie 't hertogdom Gulik geheurd. In 1839, bie de verdeiling van Limburg in 'n Belzje en 'n Nederlandse previns, kwaam Zittert definitief bie Nederland.
[bewirk] Sjtadsbeeld
De bekèndste bezeenswaerdigheje in Zittert zeen de Sint-Petruskirk in maasgotiek mit ziene 80 maeter hoge tore en de Sint-Michielskèrk in baroksjtiel. In 't oud centrum, mit es centrum de Mert, zeen nog ein aantal ouw penj, sommige in vakwerk, te vènje. De O.L. Vrouw van 't Heilig Hart is 'n neogotische kèrk, die óntworpe woort door Johannes Kayser. Dees kirk woort es eesjte Nederlandse kirk tot Basilica Minor verheve.
Aan de randj van de sjtad ligk 't bedrieveterrein Fortuna, mit 't vootbalsjtadion van Fortuna Sittard.
[bewirk] Gebaore in Zittert
- Charles Beltjens, dichter
- Guus van Eck (1958), kunssjilder
- Jo Erens, zenger en leidjessjriever
- Frits Rademacher, (1928) zenger en leidjessjriever
- Toon Hermans, cabaretier
- Emile Mastenbroek, politicus, gouvernäör van 1990 tot 1993
- Danny Nelissen, fietsrenner
- Huub Stevens, voetballer en voetbaltrainer
- Arnold Vanderlyde, bókser
[bewirk] Vereiniging
- Carnavalsvereiniging de Marotte oet 1881
[bewirk] Externe link
|
|
|
|---|---|
| Sjtae en dörper: Bor | Beech | Buchte | Einikhoeze | Gelaen | Göttekaove | Houtem | Lömmerig | Munstergelaen | Opbeech | Papenhaove | Zittert | |
| Buurtsjappe en gehuchte: Abshaove | Broukzittert | Danike | Euverhaove | Gebrook | De Graathei | Haagzittert-park | Harrekaove | Hogenberg | Klein Houtem | De Kloes | Kolleberg | De Kraonkel | Laarhof | Lankgraaf | Leiebrouk | De Lèndjheuvel | 't Lömmerigerveld | Lötterao | Oud-Gelaen | Sjpaans Nirbik | Sjpaorkóllenie | Sjtadbrouk | Sjipperskèrk | Vrangendal | De Wèndjraak | |
