Kirchzarten

Kirchzarte (amtl. Kirchzarten, hochalem. Chilchzarte) isch e Gmei im Südschwarzwald im Landkreis Brisgau-Hochschwarzwald (Bade-Württeberg, Ditschland)

Inhaltsverzeichnis

1 Geographi
- 1.1 Ortsdeil
2 Gschichte
- 2.1 Religione
- 2.2 Igmeindunge
3 Politik
- 3.1 Gmeirot
4 Wirtschaft un Infrastruktur
- 4.1 Verkehr
- 4.2 Bildungsirichtige
5 Kultur un Aluegenswürdigkeite
- 5.1 Sport
- 5.2 Aluegenswürdigkeite
6 Webgleicher

[ändere] Geographi

Die im Verdichtunggsruum vu Friburg im Brisgau im obere Dreisamdal gläge Gmei befindet sich im Naturpark Südschwarzwald ugfähr 12 km (Luftlinie) östlich vu dr Friburger Innestadt un wird vum Zastler Bach un vu dr Brugga (zwei Dreisamzueflüss) durflosse. Am Zämmefluss vum Rotbach un vum Wagesteigbach in dr Nächi vu Zarte got no d'Dreisam los.

[ändere] Ortsdeil

Es bestehn d'Ortsdeil Kirchzarte, Burg un Zarte als früeher selbständigi Gmeinde. Burg glideret sich in die verstraite Sidlunge Höfe, Burg am Wald un Birkehof öschtlich vum Hauptort Kirchzarte. Zarte lit 1 km nördlich vum Hauptort. Vier Kilometer weschtlich vu Kirchzarte lit Nejhiser, wo politisch zue Kirchzarte ghörig, nohtlos an d'Sidlungsflächi vu Friburg aschliesst.

[ändere] Gschichte

In dr Keltezitt isch im Dreieck zwische Wagesteigbach un Rotbach e guet 200 ha grosses keltischs Oppidum errichtet worre, wo vum antike Geograph Ptolemaios im 2. noochchristliche Johrhundert as Tarodunum erwähnt wird.

Säller Namme het sich au iber die zwische 269 un 400 erfolgt alemannisch Landnahm nus ghalde, was e Vermischung vu Iheimische Galloromane un Alemanne nohlegt. Dr Ort wird - nooch dr im 7. Johrhundert erfolgte (alt)hochditsche Lutverschiebung vu T zue Z - als Zarduna 765 in ere Urkunde vum Kloschter St. Galle s'erscht Mol wiider erwähnt. Im Hochmiddelalder isch er under d'Herrschaft vu dr Herre zue Falkestei kumme. Um 1500 het d'Stadt Friburg im Brisgau d'Herrschaft iber Kirchzarte erworbe.

1805 isch Kirchzarte in Folg vum Riichsdeputationshauptschluss zum Grossherzogtum Bade kumme un isch dert im Landamt Friburg II zuegordnet worre. 1829 isch Burg usgmeindet worre, wo 1974 wiider igmeindet worre isch. Vu 1933 bis 1945 het's z'Kirchzarte e Ortsgruppefüehrer vu dr NSDAP gä. Sit 1952 ghört Kirchzarte zum Bundesland Bade-Württeberg.

[ändere] Religione

816 wird erschtmols e Kirche z'Kirchzarte erwähnt.

[ändere] Igmeindunge

1924: Brigitti (amtl. Birkenreute)
1936: Dietebach un Nejhiser
1974: Zarte un Burg

[ändere] Politik

D'Fuessgängerzone z'Kirchzarte

[ändere] Gmeirot

D'Kommunalwahl am 13. Juni 2004 het folgendi Sitzverdeilung ergä:

CDU	30,0 %	+0,4	7 Sitz	+2
SPD	26,0 %	-2,3	6 Sitz	+1
Die Grüene	22,7 %	+2,7	5 Sitz	+1
FWG	21,2 %	-1,0	4 Sitz	±0

[ändere] Wirtschaft un Infrastruktur

Beditsam isch dr Tourismus un d'Pharmaindustri.

[ändere] Verkehr

Kirchzarte lit an dr B 31-Oscht, wo zwische Zarte un Friburg autobahnähnlich usbaut isch un die wichtigscht Oscht-Wescht-Ax im Hochschwarzwald bildet. Dr ganz Fernverkehr goht inzwische iber Umgehungsstrosse um Kirchzarte rum. Usserdem lit Kirchzarte an dr Hölledalbahn un dr Bahnhof isch Umstiigspunkt uf Buslinie iber dr Schauinsland un Notschrei uf Todtnau im Wiisedal sowie uf Stäge un St. Peter.

[ändere] Bildungsirichtige

In Kirchzarte ka uf em Marie-Curie-Gymnasium s'Abitur abglegt werre. Usserdem git's noch e Realschuel, e Hauptschuel un zwei Grundschuele (je eini z'Kirchzarte un z'Burg) sowie sit September 2004 e privati Grundschuel (Freii Schuel Dreisamdal). Fer die Kleinschte git's mehreri gmeindlichi, kirchlichi un privati Kinderschuele, under anderem au e Waldkinderschuel.

[ändere] Kultur un Aluegenswürdigkeite

[ändere] Sport

Black Forest UltraBike Marathon

[ändere] Aluegenswürdigkeite

Pfarrkirch St.Gallus
Girsberg-Kapelle

[ändere] Webgleicher

Dr Artikel basiert uf ´ra freie Ibersetzung vum Artikel „Kirchzarten“ us dr dytsche Wikipedia. E Lischte mit de dörtige Autore kasch dörte aluege

Kategori: Ort (Landkreis Brisgau-Hochschwarzwald)

Kirchzarten

Us der alemannische Wikipedia, der freie Dialäkt-Enzyklopedy