Separatismus
Us der alemannische Wikipedia, der freie Dialäkt-Enzyklopedy
Separatismus isch d'Bschtrabbig vun em Doil vun em Land sich vun em Schtaat z'löse. So ebbes cha hischtorische, ethnische un hüffig au handfeschte ökonomische Gründ hä.
Separatistischi Bewegige sin manchmal schtrikt politisch un friedlich (wie zum Byschpil in Quebec oder dr Tschechoslowakei), manchmal aber au gwaltätig (wie zum Byschpil 'd ETA, 'd IRA, oder au Tschetschenien). In dr Regel wird ä separatischte Bewegig dann gwaltätig, wenn 'd Gegesyt gwaltätig reagirt oder alli politischi Mittel usgschöpft sin.
Separatismus hät meischtens a ethnischi, chultureli, oder religiösi Hintergrund. Allerdings sin ökonomischi un politischi Gründ oft nô viil wichtiger. In der Regel enschtôht a separatischtischi Bewegig aber dô, wo ä Minderhit vu dr Mehrhit majorisirt, drangsalirt un wirtschaftlich, chulturel un schprôchlich unter Druck gsetzt wird.
Im alemannische Schproochruum sin viile Fäll vun Separatismus bchannt gsi.
Inhaltsverzeichnis |
[ändere] Länder, wo sit 1970 durch Separatismus zerbroche sin
- Äthiopie
- Jugoslawie
- Pakistan
- Sowjetunion
- Tschechoslowakei
[ändere] Länder, wo ihri Uabhänichkeit verchündet hän, aber nüt aerchannt sin
- Abchasie (vu Georgie)
- Tschetschenie (vu Russland)
- Bergkarabach (vu Aserbaidschan)
- Puntland (vu Somalia)
- Somaliland (vu Somalia)
- Südossetie (vu Georgie)
- Transnistrie (vu Moldawie)
[ändere] Territorie mit uchlarem politischem Status
- Kosovo (UN-Verwaldig, nominell e Deil vu Serbie un Montenegro)
- Palästina (Selbstverwaldig, aber deilwiis vu Israel besetzt)
- Taiwan (Republik China)
- Westsahara (sit 1975 vu Marokko besetzt)
- Türkischi Republik Nordzypern
[ändere] Länder mit Separatismusbewegige
- Aserbaidschan
- Belgie
- Bosnie un Herzegowina
- Chanada
- China
- Dänemark
- Demokratischi Republik Kongo
- Frankriich
- Georgie
- Indie
- Indonesie
- Irak
- Iran
- Italie
- Makedonie
- Moldawie
- Myanmar
- Nigeria
- Pakistan
- Philippine
- Russland
- Serbie un Montenegro
- Somalia
- Südafrika
- Spanie
- Sri Lanka
- Sudan
- St. Kitts un Nevis
- Türkei
- Grossbritannie
- USA
