Birjina uharte britainiarrak

Wikipedia(e)tik

Birjina uharte britainiarrak British Virgin Islands (en)
Bandera Armarria
Goiburu nazionala: Vigilate (latina: «Zaindu ezazue»)
Ereserkia: God Save the Queen
Hiriburua	Road Town 18°21′N 64°56′W / 18.35, -64.933
Hiri handiena
Hizkuntza ofiziala(k)	Ingelesa
Gobernua Erregina	Monarkia konstituzionala Elisabete II.a
Itsasoz bestaldeko lurraldea Autonomia	1967
Eremua  - Guztira  - ur %	153 km² (216.) 1,6
Biztanleria  - Estimaketa (2005)  - Errolda ()  - Dentsitatea	22.016 (-) 260 biztanle/km² (68.)
Dirua	Estatubatuar dolarra (USD)
Ordu eremua  - Udan (DST)	UTC (UTC -4) Ez (UTC -4)
Interneteko domeinua	.vg
Telefono aurrezenbakia	+1 284
Herritarra	Birjina uharte britainiar

Birjina uharte britainiarrak (ingelesez British Virgin Islands edo BVI) Karibe itsasoan dagoen Erresuma Batuko itsasoz bestaldeko lurraldea da, Puerto Ricoko ekialdean kokaturik. Uharteak Birjina uhartediaren zati bat dira, besteek Birjina uharte amerikarrak osatzen dute. Nahiz eta izena berez "Birjina uharteak" izan, 1917tik munduan Birjina uharte britainiarrak deitu zieten Amerrikarrak bereizteko. Uharteen hiriburua Road Town da, Tortola uhartean kokatuta.

Eduki-taula 1 Historia 2 Geografia 3 Politika 4 Banaketa-administratiboa 5 Ekonomia 6 Demografia 7 Erreferentziak 8 Kanpo Loturak

[aldatu] Historia

Guyanetatik etorritako Arawak tribua K. a. 100 urtetik XV. menderaino Birjina uharteetan bizi ziren, karibeek uhartedia okupatu zuten arte.

Birjina uharteak ikusteko lehendabiziko europarra Kristobal Kolon zen 1493ko bere bigarren bidaian. Honek Santa Ursula y las Once Mil Vírgenes (euskaraz Santa Urtsula eta hamaika mila birjinak) izena jarri zien, gero bakarrik Las Vírgenes (euskaraz Birjinak) izango zena.

Nahiz eta Espainiar Inperioak jabetza aldarrikatu zuen, ez zuen okupatu. Hori zela eta, 1648an nederlandarrek Tortola uhartea okupatu zuten. 1672an, britainiarrek uhartea konkistatu zuten eta 1680 Anegada eta Virgin Gorda. Bitartean, 1672tik 1733ra, daniarrek Saint Thomas, Saint John eta Saint Croix okupatu zuten. Uharteek garrantzi estrategikoa zuten eta azukrea ekoizten zuten.

1917an, Estatu Batuek Danimarkari St. John, St. Thomas eta St. Croix 25 milioi USD truke erosi zituzten eta Birjina uharte amerikarrak izena jarri zien.

Birjina uharte britainiarrak Karibeko beste uharte britainiarrekin edo Saint Kitts eta Nevisarekin batera izan ziren administratuak, 1960 kolonia statusa eta 1967an autonomia lortu arte.

[aldatu] Geografia

Birjina uharte britainiarrak hirurogei uharte tropikalak dira, handiena Tortola 20 kilometroko luzera eta 5 kilometroko zabalera izanda. Birjina uhartediaren zati bat dira. Uharteek iparraldean Ozeano Atlantikoa dute eta Karibe hegoaldean.

Uharte nagusiak lau dira: Tortola, Virgin Gorda, Anegada eta Jost Van Dyke. Gainera badaude:

• Beef uhartea.
• Cooper uhartea.
• Ginger uhartea.
• Camanoe handia.
• Thatch handia
• Guana uhartea.
• Mosquito uhartea.
• Necker uhartea.
• Norman uhartea.
• Peter uhartea.
• Salt uhartea.

[aldatu] Politika

Lurraldearen estatu burua Elisabete II.a erregina da, baina botere betearazlea britainiar gobernuak aukeratutako gobernadoreak du. Gaur egun David Pearey da.

2007an Konstituzio berria jarri zuten martxan^[1].

[aldatu] Banaketa-administratiboa

Uharteak barrutietan banatuta daude. Hauexek dira:

Azpisailkapena	Hiri nagusia	Azalera km²	Biztanleria (2006an)
Anegada	The Settlement	38,6	204
Jost Van Dyke	Great Harbour	8,3	176
Tortola	Road Town	59,2	16.630
Virgin Gorda	Spanish Town	21,2	3.063
Besteak	Great Harbour (Peter uhartea)	23,7	181
Birjina uharte britainiarrak	Road Town	151,0	20.253

[aldatu] Ekonomia

Birjina uharte britainiarrek Karibe osoko BPG per capita handiena dute, 38,500 $ ingurukoa (2004an). Ekonomiaren "zutabe bikiak" turismoa eta finantza-zerbitzuak dira.

1959, uharteetako txanpon ofiziala Estatubatuar dolarra da, ondoko Birjina uharte amerikarretan bezala.

[aldatu] Demografia

2003an uharteek 21.730 biztanle zituen, gehienak afro-karibetarrak (%83a). Biztanleria gehiena britainiarrek uharteetara ekarritako Afrikako esklaboen ondorengoak dira.

1999 erroldaren arabera:

• %83.36a Negroidea.
• %7.28a Kaukasoarra.
• %5.38a mestizoa.
• %3.14a amerindiarra.
• %0.84a besteak.

Erlijio nagusia kristau protestantismoa da (%86a). Kristauen multzo nagusiak metodistak (%33a), anglikanoak (%17a) eta katolikoak (%10a) dira.

[aldatu] Erreferentziak

[aldatu] Kanpo Loturak

Commonsen fitxategi gehiago dago honi buruz: Birjina uharte britainiarrak

• Uharteetako gobernuaren website ofiziala
• Uharteetako turismo elkartearen website ofiziala

Koordenatuak: 18°30′N 64°30′W / 18.5, -64.5

Amerikako herrialde eta lurraldeak
Ipar Amerika eta Karibea	Estatu burujabeak: Ameriketako Estatu Batuak • Antigua eta Barbuda • Bahamak • Barbados • Belize • Costa Rica • Kuba • Dominika • Dominikar Errepublika • El Salvador • Grenada • Guatemala • Haiti • Honduras • Jamaika • Kanada • Mexiko • Nikaragua • Panama • Saint Kitts eta Nevis • Santa Luzia • Saint Vincent eta Grenadinak • Trinidad eta Tobago Dependentziak: Groenlandia (Danimarka) • Guadalupe ∙ Martinika ∙ Saint Barthelemy ∙ Saint Martin ∙ Saint Pierre eta Mikelune (Frantzia) • Aruba · Holandarren Antillak (Herbehereak) • Angila · Bermuda · Birjina uharte britainiarrak · Kaiman Uharteak · Montserrat · Turks eta Caicos uharteak (Erresuma Batua) • Puerto Rico · Birjina uharte amerikarrak (Ameriketako Estatu Batuak)	Hego Amerika	Estatu burujabeak: Argentina • Bolivia • Brasil • Txile • Kolonbia • Ekuador • Guyana • Paraguay • Peru • Surinam • Uruguay • Venezuela Dependentziak: Frantziar Guiana (Frantzia) • Falkland Uharteak (Erresuma Batua)