Mozambike
Wikipedia(e)tik
|
Mozambikeko Errepublika República de Moçambique |
|||||
|---|---|---|---|---|---|
|
|||||
| Goiburu nazionala: All we are one (Ingelesez Denok bat gara. Ez ofiziala) | |||||
| Ereserkia: Aberri maitea' | |||||
 |
|||||
| Hiriburua | Maputo 25°57′ H 32°35′ E |
||||
| Hiri handiena | Maputo | ||||
| Hizkuntza ofiziala(k) | Portugalera | ||||
| Gobernua
Presidentea
Lehen Ministroa |
Errepublika Armando Guebuza Luisa Diogo |
||||
| Independentzia • Data |
1975-ko Ekainaren 25a. (Portugalengandik) | ||||
| Eremua - Guztira - ur % |
112.620 km² (34) %2 |
||||
| Biztanleria - Estimaketa (2005) - Errolda () - Dentsitatea |
19.406.703 (53) 24,28 biztanle/km² (178) |
||||
| Dirua | Mozambikeko metikala (MZN) |
||||
| Ordu eremua - Udan (DST) |
UTC+2 (UTC ) (UTC ) |
||||
| Interneteko domeinua | .mz | ||||
| Telefono aurrezenbakia | +258 |
||||
| Herritarra | mozanbiketar | ||||
| Commonwealth, CPLP, ONU, UA-ko kide da | |||||
Mozambike (República de Moçambique portugesez) Afrikako hego-ekialdean dagoen herrialdea da.
Mugakideak hauexek ditu: Indiar Ozeanoa ekialdean, Tanzania iparraldean, Malawi eta Zambia ipar-mendebaldean, Zimbawe mendebaldean eta Swazilandia eta Hegoafrika hego-mendebaldean. Azalera 801.590 km2-koa dauka eta 2005ean 19.792.000 biztanle zituela kalkulatzen zuten (25 biz./km2).
Hiriburua Maputo da.
Eduki-taula |
[aldatu] Historia
Sakontzeko, irakurri: Mozambikeko historia
K. o. I. eta IV. mendeen artean, bantueraz mintzatzen ziren herri-olatuak mendebaldetik eta iparraldetik, Zambezi ibaiaren haranean zehar ordokira eta kostaldera migratu ziren. Herri horiek nekazaritza eta burdingintza ezagutzen zituzten.
Portugalgo esploratzaileak 1498an Mozambikera lehen aldiz iritsi orduko, mendeetakoa zen salerosketa arabiarra, batik bat esklabotzarena kostaldean eta ondoko irletan. 1500 ingurutik aurrera, portugaldar merkataritza-guneak eta gotorlekuak ohikoak bilakatu ziren ekialderako bide berriak bultzaturik. Geroago, merkatariak eta esploratzaileak barnealdera sartu ziren urre eta esklaboen bila. Portugalgo botereak gora egin arren, gizabanako ofizial eta kolonoetara mugatzen zen, hauek autonomia handia baitzuten. Ondorioz, Lisboarako ez zen oso gune interesgarria inbertsioak egiteko, Indiako eta Ekialde Urruneko zein Brasilgo sal-erosketek etekin askoz handiagoak baitzekartzaten.
XX. mendearen hasierako, Portugalek Mozambikeko administrazioa konpainia pribatu handienen eskuetan utzi zuen, hala nola Mozambique Company, Zambezi Company edo Niassa Company, hein handietan Ingalaterrak sustatuak eta kontrolatuak. Hauek burdinbideak luzatu zituzten aldameneko herrialdeekin, eta Erresuma Batuko kolonietako zein Hego Afrikako meatzetarako langile merkeak (eta askotan bortxatuak) ere hornitzen zituzten. Oro har, metropoliko politikak Portugalgo etorkinen alde egiten zuenez, jatorrizko herritarren integrazioaren, azpiegitura ekonomikoaren edo populazioaren heziketaren gainean arreta txikia ezarri zen.
Bigarren Mundu Gerraren ondoren, Europako nazio gehienek, nola edo hala, koloniei independentzia edo autonomia ematen zien bitartean, Portugalek tinko adierazten zuen Mozambike eta itsasoaz haratagoko gainerako lurraldeak aberriko probintzi arruntak baino ez zirela.
Mozambiken, independentziaren aldeko nahia areagotuta, 1962an, kolonialismoaren aurkako zenbait mugimendu batu ziren eta Mozambike Askatzeko Frontea (FRELIMO) osatu zuten. Honek, 1964ko iralean, Portugalgo gobernu kolonialaren kontrako kanpaina abian jarri zuen. Nolanahi ere, Portugalek 400 urtez baino gehiagoz menderatu zuen herrialdea, eta herritar guztiek ez zuten independentzia nahi, eta are gutxiagok aldaketa iraultza armatuaren bidez. FRELIMOk, hasieran, "askatutako" zonaldeak ezarri zituen iparraldean, eta mugimenduaren indarra hazi zen hurrengo urteetan. 1969rako, Mozambikeko heren bat, batez ere iparraldean eta erdialdean, bere menpean zeukan FRELIMOk.
Portugalen bertan diktadura sozialismoaren ildoko estatu-kolpe batek bertan behera utzi ondoren, gobernu berriak koloniei independentzia eman zien. Mozambike independiente 1975eko ekainaren 25ean bihurtu zen ofizialki. Horren ostean, FRELIMOk alderdi bakarreko gobernua ezarri zuen, Sobiet Batasunaren aldekoa. Gainera, eskola erlijiosoak eta tribuko nagusien boterea desagerrarazi zituen.
Mozambikeko gobernu berriak, halaber, Hego Afrikako (ANC) eta Zinbabweko (ZANU) askatasuneko mugimenduei babesa eman zien. Aldi berean, Rhodesiako zein Hego Afrikako (garai horretan oraindik ere Apartheid legedia indarrean) gobernuek sustatu zuten Mozambikeko boterearen aurkako mugimendu matxino armatua, Mozambikeko Erresistentzia Nazional (RENAMO) izenekoa. Horrenbestez, Mozambikeko independentziaren lehendabiziko hamarkada gerra zibilak, aldameneko zuriek gobernatutako herrialdeen sabotaiak eta krisialdi ekonomikoak markatu zuten. Mozambikeko gobernuak, azpiegitura ahulari aurre egin nahian, industria pribatuak nazionalizatu zituen. Urte horietan, jatorri portugaldarreko mozambikarrek alde egin zuten era masiboan.
Nolanahi ere, gerra zibilean zehar, gobernuak ezin izan zuen hirietatik kanpoko lurraldeetan benetako administrazio eraginkorra garatu. Borrokan, estimazioek diote milioi bat mozambikarrak hil zirela, 1.7 milioi aldameneko estatuetan errefuxiatu ziren, eta beste hainbat milioi barnean mugiarazi zituzten.
1986ko urriaren 19an, Samora Machel herrialdeko presidentea hegazkin istripuan hil zen. Sobiet Batasunak hegazkina bidetik ateratzeko Hego Afrikak eskua sartu zuela aldarrikatu zuen. Edonola ere, Joaquim Chissano ondorengoak RENAMOrekiko bake-negoziazioak hasi zituen. Konstituzio berriak, 1990ean indarrean jarrita, alderdi anitzeko sistema, merkatuan oinarritutako ekonomia eta hauteskunde askeak ekarri zituen. Gerra zibila 1992ko urrian amaitu zen.
[aldatu] Banaketa administratiboa
Artikulu nagusia: Mozambikeren banaketa administratiboa
Mozanbike hamar probintziatan eta probintzia egoera duen hiriburu (cidade) batean banatzen da. Probintziak 129 barrutitan banatzen dira eta hauek era berean Postos Administrativos eta herrietan (Localidades). 1998tik aurrera, gainera, 33 udalerri (Municipios) sortu dira bertan.
 |
[aldatu] Hizkuntzak
Portugesa da mintzaira ofiziala. Halaber, Swahili, Makua, Sena, Ndau eta Shangaan hiztunak ere bizi dira herrialdean.
[aldatu] Mozambiketar ezagunak
[aldatu] Ikus, gainera
[aldatu] Kanpo loturak
| Afrikako herrialde eta lurraldeak (Nazio Batuen azpi-eskualdeka) | |||
Iparraldeko Afrika |
Aljeria • Egipto • Libia • Maroko • Mendebaldeko Sahara • Sudan • Tunisia | Mendebaldeko Afrika |
Benin • Burkina Faso • Boli Kosta • Cabo Verde • Gambia • Ghana • Ginea • Ginea Bissau • Liberia • Mali • Mauritania • Niger • Nigeria • Senegal • Sierra Leona • Togo |
Erdialdeko Afrika |
Angola • Afrika Erdiko Errepublika • Ekuatore Ginea • Gabon • Kamerun • Kongoko Errepublika • Kongoko Errepublika Demokratikoa • Sao Tome eta Principe • Txad | Ekialdeko Afrika |
Burundi • Djibuti • Eritrea • Etiopia • Kenya • Komoreak • Madagaskar • Malawi • Maurizio • Mozambike • Ruanda • Seychelleak • Somalia • Tanzania • Uganda • Zambia • Zimbawe |
Hegoaldeko Afrika |
Botswana • Hego Afrika • Lesotho • Namibia • Swazilandia | Menpeko lurraldeak eta bestelakoak: |
Erresuma Batua: Santa Helena • Espainia: Kanariar Uharteak • Melilla • Zeuta • Frantzia: Mayotte • Réunion • Portugal: Madeira |
