Boedisme
Ut Wikipedy
It Boedisme is in godstsjinst mei oanhingers oer de hiele wrâld. De religy is yn de 6e ieu f. Kr. stifte troch Siddharta Gautama, better bekend as de earste Boeda. Wichtige skaaimerken fan it Boedisme binne it leauwen yn reynkarnaasje (werberte), it respekt foar alle libjende wêzens, de meditaasje, de wei nei ferljochting en de ôfwêzigens fan in persoanlike God.
[bewurkje seksje] It Paad fan Boeda
Neffens it boedisme sit in minsk finzen yn in sirkel fan dea en werberte (samsara). Oan dit kommen en gean fan libbens kin allinich in ein komme troch in libben fan meditaasje, it opdwaan fan selskennis en it loslitten fan al it ierdske. Hjirtroch berikt in boedist in algeduerigen steat fan Ferljochting (nirvana). It berikken hjirfan is it libbensdoel fan in Boedist. Mar omdat it paad nei de Ferlichting in lange wei wêze kin, hawwe de measte minsken meardere libbens nedich. Soks kin as minske, mar ek as dier. Dêrom sil in boedist ek gjin libjende wêzens deadzje.
Yn it paad dat in Boedist folget is gjin plak foar in persoanlike God, lykas yn it Kristendom. Wol binne der Boedisten dy't yn it bestean fan geastlike wêzens leauwe dy't oer boppeminsklike krêften beskikke. Rûchwei wurde dizze ûnderferdield yn 'goede' en 'kweade' geasten. Guon boedisten ferearje de geasten troch it geregeld bringen fan lytse offers, soms yn de foarm fan iten, soms troch it fêsthâlden oan taboes.
[bewurkje seksje] Streamings
Yn it Boedisme binne ferskate streamings. Hjirûnder steane de wichtigste:
- it Zenboedisme,
- it Hinayana Boedisme,
- it Mahayana Boedisme of Soetrayana
- it Nichiren Boedisme,
- it Theravada Boedisme,
- it Tibetaansk Boedisme,
- it Tantrayana, Vajrayana of Mantrayana