Johannes Paulus II
Ut Wikipedy
Johannes Paulus II (18 maaie 1920 - 2 april 2005) waard berne yn Wadowice by Krakau yn Poalen, as Karol Józef Wojtyła. Hy wie fan 1978 oant 2005 paus.
Karol Józef Wojtyła wie de soan fan Karol Wojtyła en Emilia Kaczorowska. Hy gie yn syn berteplak nei de middelbere skoalle en studearre oan de Universiteit fan Krakau. Syn stúdzje waard ûnderbrutsen troch de Twadde Wrâldkriich. Om oan deportaasje te ûntkommen socht er wurk yn in fabryk. Op 1 novimber 1946 waard er pryster. Hy makke syn stúdzje ôf en helle yn 1948 yn Rome in doktoraat yn de teology.
Op 4 july 1958 waard hy helpbisskop fan Krakau en al op 28 septimber fan dat jier bisskop. Op 13 jannewaris 1964 waard hy dêr aartsbisskop en op 26 juny 1967 kardinaal. Op 16 oktober 1978 waard hy beneamd ta paus, ûnder de namme Johannes Paulus II. Hy wie de earste net Italiaanske paus nei in tiidrek fan 455 jier.
Johannes Paulus II wie in reizigjende paus: Hy makke meiïnoar mear as 100 bûtelânske reizen.