Sacre Imperio Roman
De Wikipedia, le encyclopedia libere
Le Sacre Imperio Roman o Sacre Imperio Roman de Nation Germanic (in germano Heiliges Römisches Reich Deutscher Nation, in latino Sacrum Romanorum Imperium Nationis Germanicae) era un conglomeration politic del paises de Europa occidental e central in le medievo e le initio del era moderne. Le adjectivo sacre solo appareva sub le regno de Frederick I Barbarossa e es attestate in 1157.
Emergente del parte est del imperio Carolingian post su division in le Tractato de Verdun in anno 843, le imperio durava quasi un millennio usque su dissolution in 1806. In le 18ve seculo, illo ancora consisteva non solmente de lo que hodie es Germania, le Republica Chec, Austria, Liechtenstein, Slovenia, Belgica, e Luxemburg, sed etiam de grande partes de Polonia e minor partes del Pais Basse. Antea, illo etiam includeva tote le Pais Basse, Suissa, e partes del Francia e Italia moderne.
Secundo le tradition, illo era dissolvite in 1806 per Napoleon Bonaparte; technicalmente isto es false: le imperator Francis II ipse lo dissolveva post un disfacta militar per le armea francese.