Sociologia
De Wikipedia, le encyclopedia libere
SOCIOLOGIA (s) [so-tsio-lo-gía]
Definition:
- Le Sociologia es le conjuncto de cognoscimentos que tracta explicar le comportamento del esser human in societate, studia le logica social, e se occupa del rationes que explica le comportamentos general del personas.
Le sociologia es le scientia que studia le societate human e le conducta social. A causa de lor interesse in le interaction social, le sociologos ha un tendentia de prestar attention a gruppos in vice de individuos.
Exegese:
- Le sociologia studia le societate human e, plus concretemente, le diverse collectivitates que lo forma e le causas que origina le disviationes e cambios sociales.
- Le comportamentos particular del esser human son objecto de studio del Psychologia.
- Le perspectiva del "agentia" intende que le sociologia solo pote travaliar super tendentias general, viste que le comportamento del esseres human es libre e, in tanto, impossibile predicer exactemente. Approximationes structural sugere lo contrario: le individuos es completemente conditionate o determinate per le structuras sociales, illes son mer marionettes del structuras superior.
Le sociologia es solmente un del scientias social Le gruppo de disciplinas academic que studia diverse aspectos de comportamento social inter le homines. Inter altere scientias social il ha le anthropologia, le psychologia, le economica, le scientia politic, e le historia.
Le sociologia como disciplina academic evolveva ex le tumulto social del Europa del seculos XVII e XIX. Ma illo non emergeva como un disciplina academic formal usque le medie del seculo XIX, quando le francese Auguste Compte cuneava le parola "sociologia" pro describer le studio del societate. Altere sociologos influente del sexulo XIX esseva Karl Marx, Herbert Spencer, Emile Durkheim, e Max Weber.
Vider tamben:
- Sociologos A-Z
- Immigration
- Tribo urban
Essayos:
- Le Travalio
- Le americanos labora le plus
