Kristoneth
Dhyworth Wikipedia, an godhoniador rydh
Kristoneth yw kryjyans poesek y'n bys ma, gans moy ages diw vil milvil a gryjygyon. An Drynses yw dyskas chyf Kristoneth: henn yw, yma Dyw unnik gans tri ferson – Dyw an Tas, Yesu Krist, ha'n Spyrys Sans. Yma lies eglos kristyon; an voyha anedha yw an Eglos Katholik Romanek. Kristoneth yw kryjyans an niver vrassa a dus yn Europa, Amerika, Afrika Is-Sahara, Ostralasi, ha'n Filipinys.
Avel kryjyans yedhowek hag Islam, Kristoneth yw fay unndywyel a linyeth Abrahamek.
An Pader yw an gologhas aswonnys yn kwell gans Kristonyon. Lyver sans a Gristonyon oll yw an Bibel; yma lyvrow erell degemmerys avel skryptor gans nebes bagasow kristyon, r.e. Lyver Mormon gans eseli Eglos Yesu Krist a Sens Dhiwedhes.