Ioannes XXIII
E Vicipaedia
Beatus Ioannes PP. XXIII | ||
---|---|---|
Nomen | Angelus Iosephus Roncalli | |
Terminus | MCMLVIII - MCMLXIII | |
Predecessor | Pius XII | |
Successor | Paulus VI | |
Natus | XXV Novembris MDCCCLXXXI |
|
Obiit | III Iunii MCMLXIII |
|
Index paparum |
Beatus Ioannes PP. XXIII (natus Angelus Iosephus Roncalli die XXV Novembris anno MDCCCLXXXI in Sub Monte Italice Sotto il Monte (nunc ad honorem eius Sub Monte Ioannes XXIII), obitus propter cancerem stomachi die III Iunii MCMLXIII in Civitate Vaticana) Papa Ecclesiae Catholicae Romanae erat a die XXVIII Octobris MCMLVIII. Ioannes XXIII "Papa concilii" et "Papa bonus" vulgo nominatur. Sua apostolica sententia erat: Oboedientia et pax[1]
Index |
[recensere] Vita
Angelus Iosephus Roncalli die XXV Novembris anno MDCCCLXXXI in Sotto il Monte in Italia, filius Ioannis Roncalli et Mariannae, uxoris eius, natus est. Familia agricultura laborante pauper erat.
Roncalli Bergomi in seminario minore et postea Romae in Pontificio Seminario Romano Maiore (illo tempore seminario sancti Apollinaris) studuit.
[recensere] Sacerdos
Sacerdote die 10 Augusti MCMIV in Roma ordinato, Angelus Iosephus Roncalli secretarius domini Iacobi Radini - Tedeschi, episcopi, factus est. Cum eo multas provincias visitavit.
Angelus Roncalli apud seminarium Bergomi historiam ecclesiae apologeticam ac theologiam docuit et opera historica de Caesare Baronio et de sancto Carolo Borromeo scripsit.
Post mortem episcopi (anno MCMXV), Angelus Iosephus Roncalli miles in Bello Orbis Terrarum Primo factus est. Ad annum MCMIIXX, legione italiana sacerdos militium laboravit. Post bellum, sacerdos iuvenum studiosorumque ad annum MCMXXI laboravit. Eodem anno a Papa Benedicto XV Romam translatus est et promovebatur ad gradum Praelati honorarius Suae Sanctitatis et praeses Consilii Nationalis Italiae operis de Propaganda Fide.
[recensere] Episcopus et Nuntius apostolicus
Anno MCMXXV die 19 Martii episcopus titularis ordinatus est et tunc Pius XI papa eum in Bulgariam visitorem apostolicum misit. Anno MCMXXXIV delegatus apostolicus in Turcia et Graecia factus est. Anno MCMXLIV, Angelo Iosepho Roncalli labor magnae difficultatis data est: nuntius apostolicus in Francia post Bellum Orbis Terrarum Secundum factus est. Bello gerente, multi episcopi Franciae cum Germanis laboraverunt. Populus et Regnum Franciae demissionem eorum de ecclesia petiverunt. Angelus Iosephus Roncalli disputationem eam finire potuit.
[recensere] Cardinalis et Patriarcha
Die XII Ianuarii anno MCMLIII a Pio XII, cardinalis Sanctae Romanae Ecclesiae et Patriarcha Venetiarum nominatus est.
[recensere] Pontificatus
Post arduum conclavem (ipse Ioannes XXIII postea dixit eum et cardinalem Gregorium Petrum Agagianian de electione inter se diu contenderant). Cardinalis Angelus Iosephus Roncalli tamen senex, quare die XXVIII Octobris anno MCMLVII cardinales, qui brevitate eius pontificatus confidebant, eum in summum pontificem elegerunt atque nomen sui Ioannem XXIII imposuit. Concilium Vaticanum Secundum invocavit. Paci valde laboravit. Ultima encyclica sua, quam "pacem in terris" nominavit, hereditas sua videtur et dicere solebat: errorem non errantem damnare debemus.
Ioannes XXIII numerum maximum cardinalium, quem cum bulla postquam verus die 3 Septembris 1586 papa Sixtus V constituerat, id est 70, superavit. Accurate iam mense Decembris 1958 Ioannes novos cardinales creavit et numerus eorum ad 75 crevit.
Prima Nativitas Domini pontificatus eius Ioannes XXIII parvulos aegros et captivos visitavit.
Iam mense Ianuarii 1959 papa Oecumenicum Concilium, quod Vaticanum Secundum (1962- 1965) appellatur, convocavit.
Die 4 Octobris 1962 primus papa post Pium IX Ioannes XXIII e Roma egressus est et sanctuarios Laureti et Asisii visitavit.
[recensere] Encyclicae epistulae
Ioannes XXIII octo encyclicas epistulas scripsit:
- Ad Petri Cathedram (die 29 Iunii 1959), de propositis pontificatus
- Aeterna Dei sapientia (die 11 Novembris 1961), ad memoriam Papae Leo I
- Grata recordatio (die 26 Septembris 1959), de rosario
- Mater et magistra (die 15 Maii 1961), de sociale ecclesiae doctrina
- Pacem in terris (die 11 Aprilis 1963)
- Paenitentiam agere (die 1 Iulii 1962)
- Princeps Pastorum (die 28 Novembris 1959), de missionibus
- Sacerdotii nostri primordia (die 1 Augusti 1959), de sancto presbytero Ioanne Maria Vianney
[recensere] Opera
Praeclarum opus eius fuit " Il Giornale dell'anima ", id est Latine diarium animae, liber in quo ab anno 1895 usque ad mortem Angelus Roncalli meditationes suas scripsit (cfr. Diarium Animae). Alia opera:
- Angelo Giuseppe Roncalli, Il cardinale Cesare Baronio. Nel terzo centenario della sua morte, Modiciae anno 1908 (III ed., Edizioni di Storia e letteratura, Romae, anno 1961)
- Angelo Giuseppe Roncalli, Mons. Giacomo Maria Radini-Tedeschi, vescovo di Bergamo, Edizioni di Storia e Letteratura , Romae, 1963
[recensere] Beatificatio
Die III Septembris anno MM, Iohannes Paulus II Papam Ioannem XXIII beatum nominavit.
[recensere] Nexus externi
Vicimedia Communia plura habent quae ad Ioannem XXIII spectant. |
- De Ioanne XXIII in pagina officialis Sanctae Sedis
- De Ioanne XXIII in Lexicon Biographico ac Bibliographico Ecclesiae.
- Epistulae encyclicae Ioanni PP. XXIII
- Opera Omnia in diversis sermonibus
- Pelliculae Italice in Filmotheca Vaticana (fine pagina - pelliculae 5 et 6)
[recensere] Nota
- ↑ ad imitandum sententiam Caesar Baronio Pax et oboedientia