Benedictus XVI

E Vicipaedia

Benedictus PP. XVI
Nomen	Iosephus Ratzinger
Terminus	2005–
Predecessor	Ioannes Paulus II
Successor	-
Natus	16 Aprilis 1927
Obiit	-
Signum Benedicti XVI
Index paparum

Benedictus PP. XVI, natus Iosephus Aloisius Ratzinger in vico Marktl ad Aenum, Germania die 16 Aprilis 1927, est Pontifex Maximus Ecclesiae Catholicae a die 19 Aprilis 2005, qui etiam Vicarius Christi appellatus est. Benedictus XVI factus est papa secundo die suffragiorum.

Sua apostolica sententia est cooperatores veritatis, accuratius: Nos ergo debemus sublevare huiusmodi, ut cooperatores simus veritatis.

Index 1 Vita 2 Pontificatus 3 Visitae apostolicae 4 Encyclica Epistola 5 Concistoria 6 Nexus Externi 7 Lege etiam 8 Nota

[recensere] Vita

Natus in parvo oppido Bavariae die Sabbati Sancti, pleno spiritu Catholico, Iosephus Ratzinger eodem die in Vigilia Paschali baptizatus est more fidei Catholicae Romanae. Bene meruit in scholis localibus, linguam latinam discens inter ceteras disciplinas. Sequens legis praeceptum, anno 1941 Iosephus Ratzinger ad Iuventutem Hitlerianam accessit, sicut et ceteri pueri illo tempore accesserunt. Secundum populi sui leges in militibus Germaniae inscriptus est, sed vergente belli fine locum suum reliquit et domum revertit. Studiis theologicis incubuit, et anno 1951 Iosephus Ratzinger et frater suus, Georgius Ratzinger, sacerdotes sunt ordinati. Ab 1958, Ratzinger professor theologiae dogmaticae et historiae dogmatis Frisingae, Bonnae, Monasterii, Tubingae, Ratisbonae fuit

Ex anno 1962 Iosephus Ratzinger Concilio Vaticano Secundo interfuit; erat consiliarius cardinalis Iosephi Frings, qui eum theologiae peritum magni aestimavit.

Archiepiscopus Archidioecesis Monacensis et Frisingensis institutus et cardinalis electus anno 1977 est a Paulo VI. Anno 1981 a Ioanne Paulo II praefectus Congregationis pro doctrina Fidei in Vaticano factus est.

[recensere] Pontificatus

Anno 2005, a S.R.E. cardinalibus in summum pontificem electo, nomen "Benedicti XVI" sibi imposuit, recordans papam Benedictum XV, qui tempore Belli Orbis Terrarum I strenue pro pace se impendebat, et Sanctum Benedictum, qui culturam Europeam saeculis V et VI maxime fovebat.

Benedictus XVI est primus papa ab anno 1008 (Stephanus IX) qui in Germania hodierna natus est, sed est primus papa Germanicus ab 1523. Die 14 Septembris huius anni Hadrianus VI Romae mortuus est. Illo tempore Batavia, ubi Hadrianus VI natus est, erat natio Germanica intra Sacrum Imperium Romanum. Benedictus XVI est decimus non-Italicus papa. Secutus est Ioannem Paulum II, qui primus non-Italicus papa ab anno 1523 est.

Benedictus XVI insigne paparum substantialiter mutavit. Suum insigne non iam a tiara coronatur, sed a mitra. Elogium suum est "Tu es Petrus et super hanc petram aedificabo ecclesiam meam."

Mense Augusti anno 2005 Coloniae Agrippinae, Dies Mundiales Iuventutis a papa Benedicto XVI, magno concursu cardinalium et episcoporum facto, coram circa unum millionem fidelium sollemniter celebrati sunt.

Die 24 Martii 2006, Benedictus XVI quindecim cardinales creavit, inter quos duodecim nondum octoginta annos nati erant, ut papam eligere possent. Mense Maii 2006, iter in Poloniam fecit, et Iulii in Hispanicam urbem Valentiam. Aestate 2006, Tarcisius Cardinalis Bertone successor Cardinalis Angeli Sodano in magistratus Secretarii Status a papa Benedicto XVI factus est.

Mense Septembris 2006, Benedictus XVI fecit iter in patriam suam, Bavariam. Apud universitatem Ratisbonae sermonem de fide et ratione in religione Christiana ac Islamica habuit, qui non recte intellectus est et orbe terrarum controversias et etiam tumultus concitavit. Die 28 Novembris 2006 Benedictus XVI incepit iter in Turciam, primam civitatem cultu Islamico motam ab eo visitatam. Papa urbes Ancyram et Ephesum et Constantinopolim visitavit, ubi patriarchae oecumenico Bartholomeo I occurrit. Mense Decembris 2006, papae opinio contra euthanasiam controversias in Italia concitavit.

Anno 2007 mense Maii in Brasiliam et mense Septembris in Austriam Benedictus XVI itinera fecit.

Die 7 Iulii 2007 Benedictus XVI litteras Apostolicas Motu Proprio Summorum Pontificum promulgavit, quae decernunt ritum Tridentinum sanctae missae a sancto papa Pio V constitutum in omnibus dioecesibus orbis terrarum rursus permitti. Paulo post Congregatio pro Doctrina Fidei argumentum epistulae encyclicae papae Ioannis Pauli II "ut unum sint" abunde confirmavit. In eo dicitur Ecclesiam Catholicam solam et veram ecclesiam esse (cf. Textus Latine).

Die 24 Novembris 2007, Benedictus XVI viginti tres novos cardinales, inter quos duodeviginti electores, creavit.

[recensere] Visitae apostolicae

• Italia
  • Barium mense Maii 2005
  • Sanctuarium Manopelli apud Aternum
  • Verona
  • Vigebanum et Papia mense Aprilis 2007
  • Asisium die 17 Iunii 2007
  • Lauretum die 1 et 2 Septembris 2007
  • Velitrae die 23 Septembris 2007
  • Neapolis die 21 Octobris 2007
• Europa
  • Colonia Agrippina, mense Augusti 2005
  • Polonia, mense Maii 2006
  • Valentia (Hispania) mense Iulii 2006
  • Bavaria mense Septembris 2006
  • Turcia mense Novembris 2006
  • Austria mense Septembris 2007
• America meridionalis
  • Brasilia mense Maii 2007

[recensere] Encyclica Epistola

• Deus Caritas Est, die 25 Decembris, in sollemnitate Natalis Domini, anno 2005.

Die 13 Martii 2007, Benedictus XVI apostolicam exhortationem post synodum Sacramentum Caritatis promulgavit, quae usus linguae Latinae promovet et caelibatum presbyterorum confirmat.

Die 13 Aprilis 2007, prima pars libri qui papa de Iesu Christo scripsit et scripturus est^[1][2] edita est.

Die 30 Novembris 2007, secunda encyclica pontificatus Benedicti XVI de spe, sub titulo Spe Salvi, promulgata est.

[recensere] Concistoria

Die 26 Martii 2006, papa Benedictus XVI duodecim novos cardinales electores (et alios tres non electores) creavit. Hi sunt:

1. Gulielmus Iosephus Levada;
2. Francus Rodé ;
3. Augustinus Vallini;
4. Carolus Caffarra, archiepiscopus Bononiae (Italia)
5. Stanislaus Dziwisz;
6. Ioannes Petrus Ricard, archiepiscopus Burdigalae (Francia)
7. Antonius Cañizares Llovera (Spania)
8. Gaudentius Rosales;
9. Iosephus Zen Ze-kiun ;
10. Georgius Liberatus Urosa Savino;
11. Nicolaus Cheong Jin-suk;
12. Ioannes Patricius O'Malley.

Die 24 Novembris 2007, papa Benedictus XVI duodeviginti novos cardinales electores (et alios quinque non electores) creavit. Hi sunt:

1. Leonardus Sandri, Praefectus Congregationis pro Ecclesiis Orientalibus;
2. Ioannes Patricius Foley, magnus magister Ornis Equestris Sancti Sepulcri Hierosolymitani;
3. Ioannes Lajolo, praeses Pontificii Consilii pro Civitate Vaticana.;
4. Paulus Iosephus Cordes, praeses Pontificii Consilii Cor Unum,
5. Angelus Comastri, Archipresbyter Basilicae Vaticanae ac praeses Fabriciae Sancti Petri;
6. Stanislaus Rylko, Praeses Pontificii Consilii pro Laicis;
7. Raphael Farina, bibliotecarius Bibliothecae Apostolicae Vaticanae et dux Archivi Secreti Vaticani. ;
8. Augustinus García-Gasco Vicente, Archiepiscopus Valentiae (Hispania);
9. Ioannes Baptista Brady, Archiepiscopus Armagh (Hibernia);
10. Ludovicus Martínez Sistach, Archiepiscopus Barcinonis (Hispania);
11. Andreas Vingt-Trois, Archiepiscopus Lutetiae (Francia);
12. Angelus Bagnasco, Archiepiscopus Genuae (Italia);
13. Theodorus Hadrianus Sarr, Archiepiscopus Dakar (Senegalia);
14. Osvaldus Gracias, Archiepiscopus Mumbai (India);
15. Franciscus Robles Ortega, Archiepiscopus Monterrey (Mexicum);
16. Daniel Nicolaus DiNardo, Archiepiscopus Galveston - Hustoniae (Civitates Foederatae Americae);
17. Odilo Petrus Scherer, Archiepiscopus Urbis Paulistanae (Brasilia);
18. Ioannes Njue, Archiepiscopus Nairobiae

[recensere] Nexus Externi

• De Benedicto XVI in pagina officialis Sanctae Sedis
• Primum Nuntium Summi Pontificis (versio audibilis)
• Motu Proprio "Summorum Pontificum"
• Encyclicae Benedicti PP. XVI Deus Caritas est A.D. MMV

Vide Benedictus XVI in Victionario.

[recensere] Lege etiam

• Mittermaier, Karl. 2006. Die deutschen Päpste : Benedikt XVI. und seine deutschen Vorgänger.

[recensere] Nota

1. ↑ Germanice, Jesus von Nazareth: Von der Taufe im Jordan bis zur Verklärung, Herder, 16 Aprilis 2007, ISBN 978-3451298615
2. ↑ Italice, "Gesù di Nazaret," Milano, Rizzoli, 2007, ISBN 978-88-17-01659-9

Papae Ecclesiae Catholicae

Petrus • Linus • Anacletus • Clemens I • Evaristus • Alexander I • Sixtus I • Telesphorus • Hyginus • Pius I • Anicetus • Soterius • Eleuterus • Victor I • Zephyrinus • Callistus I • Urbanus I • Pontianus • Anterus • Fabianus • Cornelius • Lucius I • Stephanus I • Sixtus II • Dionysius • Felix I • Eutychianus • Caius • Marcellinus • Marcellus I • Eusebius • Miltiades • Silvester I • Marcus • Iulius I • Liberius • Damasus I • Siricius • Anastasius I • Innocentius I • Zosimus • Bonifacius I • Caelestinus I • Sixtus III • Leo I • Hilarius • Simplicius • Felix III • Gelasius I • Anastasius II • Symmachus • Hormisdas • Ioannes I • Felix IV • Bonifacius II • Ioannes II • Agapetus I • Silverius • Vigilius • Pelagius I • Ioannes III • Benedictus I • Pelagius II • Gregorius I • Sabinianus • Bonifacius III • Bonifacius IV • Adeodatus I • Bonifacius V • Honorius I • Severinus • Ioannes IV • Theodorus I • Martinus I • Eugenius I • Vitalianus • Adeodatus II • Donus • Agatho • Leo II • Benedictus II • Ioannes V • Conon • Sergius I • Ioannes VI • Ioannes VII • Sisinnius • Constantinus • Gregorius II • Gregorius III • Zacharias • Stephanus II • Stephanus III • Paulus I • Stephanus IV • Hadrianus I • Leo III • Stephanus V • Paschalis I • Eugenius II • Valentinus • Gregorius IV • Sergius II • Leo IV • Benedictus III • Nicolaus I • Hadrianus II • Ioannes VIII • Marinus I • Hadrianus III • Stephanus VI • Formosus • Bonifacius VI • Stephanus VII • Romanus • Theodorus II • Ioannes IX • Benedictus IV • Leo V • Sergius III • Anastasius III • Lando • Ioannes X • Leo VI • Stephanus VIII • Ioannes XI • Leo VII • Stephanus IX • Marinus II • Agapetus II • Ioannes XII • Leo VIII • Benedictus V • Ioannes XIII • Benedictus VI • Benedictus VII • Ioannes XIV • Ioannes XV • Gregorius V • Silvester II • Ioannes XVII • Ioannes XVIII • Sergius IV • Benedictus VIII • Ioannes XIX • Benedictus IX • Silvester III • Benedictus IX • Gregorius VI • Clemens II • Benedictus IX • Damasus II • Leo IX • Victor II • Stephanus X • Nicolaus II • Alexander II • Gregorius VII • Victor III • Urbanus II • Paschalis II • Gelasius II • Callistus II • Honorius II • Innocentius II • Caelestinus II • Lucius II • Eugenius III • Anastasius IV • Hadrianus IV • Alexander III • Lucius III • Urbanus III • Gregorius VIII • Clemens III • Caelestinus III • Innocentius III • Honorius III • Gregorius IX • Caelestinus IV • Innocentius IV • Alexander IV • Urbanus IV • Clemens IV • Gregorius X • Innocentius V • Hadrianus V • Ioannes XXI • Nicolaus III • Martinus IV • Honorius IV • Nicolaus IV • Caelestinus V • Bonifacius VIII • Benedictus XI • Clemens V • Ioannes XXII • Benedictus XII • Clemens VI • Innocentius VI • Urbanus V • Gregorius XI • Urbanus VI • Bonifacius IX • Innocentius VII • Gregorius XII • Martinus V • Eugenius IV • Nicolaus V • Callistus III • Pius II • Paulus II • Sixtus IV • Innocentius VIII • Alexander VI • Pius III • Iulius II • Leo X • Hadrianus VI • Clemens VII • Paulus III • Iulius III • Marcellus II • Paulus IV • Pius IV • Pius V • Gregorius XIII • Sixtus V • Urbanus VII • Gregorius XIV • Innocentius IX • Clemens VIII • Leo XI • Paulus V • Gregorius XV • Urbanus VIII • Innocentius X • Alexander VII • Clemens IX • Clemens X • Innocentius XI • Alexander VIII • Innocentius XII • Clemens XI • Innocentius XIII • Benedictus XIII • Clemens XII • Benedictus XIV • Clemens XIII • Clemens XIV • Pius VI • Pius VII • Leo XII • Pius VIII • Gregorius XVI • Pius IX • Leo XIII • Pius X • Benedictus XV • Pius XI • Pius XII • Ioannes XXIII • Paulus VI • Ioannes Paulus I • Ioannes Paulus II • Benedictus XVI