Официјален јазик

Од Википедија, слободна енциклопедија

Официјален јазик е јазикот на којшто му е даден единствен легален статус во една држава или друга територија. Тој е воглавно јазикот дефиниран со уставот, иако земјите со некодифициран устав немаат официјален јазик. Најопшто, официјалниот јазик е оној јазик кој го зборува одредена националност или етничка група најмногу во една држава.

Половина од државите во светот имаат официјален јазик. Некои имаат само еден официјален јазик, како Франција, Литванија или Грција, без разлика на фактот што во овие држави се зборуваат и други јазици, додека други имаат повеќе од еден официјален јазик, како Авганистан, Белгија или Финска.

Во некои земји, како Италија, Македонија, Палау, Филипини, Русија или Шпанија постои официјален јазик на земјата, но малцинските јазици се користат во некои региони. Некои, пак, земји немаат официјален јазик, како Шведска, Тувалу, Обединетото Кралство и САД, иако постои де факто најчесто употребуван јазик, како и низа на владини регулативи за тоа кој јазик да се користи во одредена ситуација.