13 јули

Шаблон:Јули 2008

1878 г. завршува Берлинскиот конгрес на кој се прекројуваат границите на Балканот.

13 јули е 194-иот ден во годината според григоријанскиот календар (195-и во престапна година). Остануваат 171 денови до крајот на годината.

Настани:

1822	Грчката војска ја победува турската кај Термопилите во текот на борбата за независност на Грција.
1878	Завршува Берлинскиот конгрес, на кој тогашните големи сили (Германија, Австро-Унгарија, Русија, Англија, Франција и Отоманската Империја) воспоставуваат нов однос на силите на Балканот.
1930	Во Монтевидео, главниот град на Уругвај, започнува првото светско фудбалско првенство, на кое домаќинот ја освојува титулата.
1946	При Земската болница во Скопје е формирана првата Станица за трансфузија на крв. Од мала станица со еден лекар и три медицински сестри прерасна во Републички завод за трансфузиологија.
1985	Советскиот скокач со стап Сергеј Бубка, во Париз станува првиот човек во историјата на овој спорт што прескокнал над шест метри.

Родени:

1934	Воле Сојинка, нигериски писател и Нобелов лауреат.
1942	Харисон Форд, американски актер, познат по улогата на Индијана Џонс во истоимената филмска трилогија.
1957	Камерон Кроу, американски режисер-оскаровец.

Починале:

1762	Џемс Бредли, англиски астроном, директор на Гриничката опсерваторија.Во 1728 година ја објасни појавата на аберацијата на светлоста и ја откри појавата на нутацијата. Роден е во 1693 година.
1793	Жан Пол Мара, познат француски револуционер, еден од водачите на француската буржоаска револуција. Убиен е од Шарлота Кордеј, приврзаничка на жирондистите и на монархистите. Роден е на 24 мај 1734 година.
1951	Панко Брашнаров, македонски револуционер.
1954	Фрида Кало, мексиканска сликарка.