വിക്കിപീഡിയ, ഒരു സ്വതന്ത്ര വിജ്ഞാനകോശം.
|
പരമശിവന് |
ശിവന് ധ്യാനത്തില് |
ദേവനാഗരി: |
शिव |
തമിഴ്: |
சிவன் |
വസതി: |
കൈലാസം |
മന്ത്രം: |
ഓം നമ്മ: ശിവായ |
ആയുധം: |
തൃശ്ശൂലം |
പങ്കാളി: |
പാര്വ്വതി |
വാഹനം: |
നന്തി |
|
ഹൈന്ദവവിശ്വാസം അനുസരിച്ച് ത്രിമൂര്ത്തികളില് ഒരുവനും സംഹാരത്തിന്റെ ദേവതയുമാണ് പരമശിവന്. ശിവന് ഗംഗ (ഹിമവാന്റെ പുത്രിയായ സതി) എന്നും പാര്വ്വതി എന്നും രണ്ടു ഭാര്യമാരുണ്ട്. ശിവന്റെ ആയുസ്സ് വിഷ്ണുവിന്റെ ആയുസ്സിന്റെ ഇരട്ടിയാണ്. ഗംഗയെ ശിവന് ശിരസ്സില് വഹിയ്ക്കുന്നു. ശിവന് കപര്ദ്ദം എന്നു പേരുള്ള ഒരു ചുവന്ന ജടയുണ്ട്. ശിവന്റെ തലയില് ഗംഗയും ചന്ദ്രനും സ്ഥിതി ചെയ്യുന്നു. ശിവന് കണ്ണുകള് മൂന്നാണ്. നെറ്റിയിലുള്ള മൂന്നാം കണ്ണ് അഗ്നിമയമാണ്. ശിവന് പിനാകം എന്ന ത്രിശൂലം സദാ വഹിയ്ക്കുന്നു. നന്ദി എന്ന വെളുത്ത കാളയാണ് വാഹനം. ശിവന്റെ കഴുത്തില് മനുഷ്യത്തലയോടുകള് കോര്ത്തുണ്ടാക്കിയ മുണ്ഡമാല കിടക്കുന്നു. ശിവന് ഉടുക്കുന്നത് പുലിത്തോലും പുതയ്ക്കുന്നത് ആനത്തോലുമാണ്. ശിവന് രണ്ടു കൈയ്യുള്ളവനായും എട്ടും പത്തും കൈയ്യുള്ളവനായും വര്ണ്ണിയ്ക്കപ്പെടാറുണ്ട്. ശിവന്റെ സര്വാംഗങ്ങളിലും പാമ്പുകള് ആഭരണമായി ശോഭിയ്ക്കുന്നു. ശിവന് മിക്കവാറും എല്ലാ ദേവാസുരയുദ്ധങ്ങളിലും പങ്കെടുക്കുകയും നിരവധി അസുരന്മാരെ നിഗ്രഹിയ്ക്കുകയും ചെയ്തു. ഭാരതത്തില് ശിവലിംഗത്തെ പൂജിയ്ക്കുന്ന ഒരു സമ്പ്രദായമുണ്ട്. ഊരോ കല്പത്തിന്റെ അന്ത്യത്തിലും ശിവനുള്പ്പെടെയുള്ള ത്രിമൂര്ത്തികള് പരാശക്തിയില് ലയിച്ചു ചേരുകയും വീണ്ടും സൃഷ്ടികാലത്ത് അവതരിയ്ക്കുകയും ചെയ്യുന്നതായാണ് വിശ്വാസം.