Википедија:Што не е Википедија
Од Википедија, слободна енциклопедија
Оваа страница е дел од начелата и насоките на Википедија.Википедија е он-лајн енциклопедија, а исто така (како средство за остварување на тоа) и он-лајн заедница (види: -{Оnline community}-). Затоа, постојат некои работи кои не се Википедија.1
Содржина |
[уреди] Што не е Википедија?
| Втора светска војна
Втората светска војна беше најраспространетиот и најскапиот вооружен конфликт во историјата на светот ... 1 Причини
Воената репарација бараше од Германија по Првата светска војна ... 2 Пред војната
Последиците од Првата светска војна се одразиле на Вајмарската Република ... |
[уреди] Википедија не е хартиена енциклопедија
Википедија не е хартиена енциклопедија (види и: -{Wikipedia is not a paper encyclopedia}-). Тоа во пракса значи дека не постои ограничување во бројот на темите кои можат да се опфатат, освен проверливоста на податоците и некои други, наведени на оваа страница.
Постои некој вид на прегледно ограничување на големината на поединечните статии, што има големо влијание на преземањето за модемските (-{dialup}-) читатели и обзирноста кон читливоста, воопшто (види и: -{Wikipedia:Article size}-). По разработката на еден дел од некоја обемна тема во една статија, поделбата на повеќе други (поголеми или помали) статии е природен тек на развивање на таа тема. На пример, види ја шемата десно. Додека хартиените енциклопедии имаат кратки статии, фактот што Вики не е хартија ни дозволува на статиите на им дадеме потемелен третман. Така, статиите можат да содржат внатрешни или надворешни врски, да бидат поажурни, постојано да се дообработуваат итн.
- Повеќе во Википедија:Википедија не е хартиена енциклопедија.
[уреди] Википедија не е речник
Википедија не е речник (види -{Wikipedia is not a dictionary}-). Таа не е ни речник на жаргони, ни генеолошки или уште помалку - биографски речник. Постои друг Википроект за речник - Викиречник.
[уреди] Википедија не е трибина
Википедија не е трибина, ниту пак говорница од било кој вид (види и: -{Wikipedia is not a soapbox}-), а не е ни разговорен форум или средство за пропаганда и рекламирање. Затоа, википедиските статии не се:
- било каков вид на пропаганда или претставништво. Статијата, секако, може објективно да известува за такви работи, сè додека е во контекстот на неутрална гледна точка. Доколку многу сакате да ги уверите луѓето во точноста и добронамерноста на Вашите омилени ставови, подобро одете на дискусионите групи или започнете свој сопствен блог.
- Разговорен форум. Почитувајте ги и држете се до задачите — за создавање на енциклопедија. Можете да муабетите со луѓето на нивните кориснички страници за разговор, а проблемите во статиите решавајте ги на соодветните страници за разговор, но немојте дискусијата да ја пренесете во самата статија.
- Критички прегледи. Биографиите и статиите за уметничките дела (и слични теми) треба да бидат енциклопедиски по својот карактер. Секако, критичките анализи се добредојдени, но само ако се втемелени на директни забелешки од трети лица. Погледнете под број 5 подоле. Исто така погледнете иen:Wikipedia:Guide to writing better articles#Check your fiction.
- Лични есеи кои ги изложуваат Вашите лични мислења за одредена тема. Целта на Википедија е да го собере на едно место човековото знаење. Таа не е средство со кое треба личното мислење да се направи дел од тоа знаење (Википедија:Без оригинално истражување). Во ретки случаи, кога мислењата на поединци се доволно важни за да се разговара за нив, пожелно е да се препушти на другите да пишуваат за тоа. Лични есеи за теми кои се поврзани со Википедија се добредојдени на Мета. Постои и вилушка на Википедија на Wikinfo која ги охрабрува личните мислења во статиите.
- Првобитно (оригинално) истражување, како што е предложувањето на теории и решенија, оригинални идеи, дефинирање на термини, сложување на нови зборови итн. Погледнете ја врската Википедија:Без оригинално истражување. Доколку сте направиле првобитно истражување на некоја тема, објавете ги Вашите резултати на некое друго место, како што е некој журнал со широка читателска публика, други печатени медиуми, или, пак, угледни сајтови. Википедија ќе известува за Вашата работа кога таа ќе стане дел од општоприфатеното човеково знаење. Сите податоци кои се впишуваат во Википедија не мора да бидат од журнал со широка читателска публика, но потрудете се да бидат сигурни и проверливи. На пример, цитирање на книга, печат или доверливи мрежни ресурси покажува дека материјалот е проверлив, а не лично мислење на оној кој уредува.
- Самопромовирање. Иако сте слободни да пишувате за себе или проектите во кои сте лично длабоко навлезени, запаметете дека мерилата за енциклопедиските статии важат и за тие страници, како и за сите други. Многу малку од славните Википедијанци значајно придонеле за развојот на Википедија со енциклопедиски статии за себе. Создавањето на премногу врски и референци на автобиографските статии е неприфатливо. Погледнете Википедија:Автобиографија.
- Рекламирање. Статиите за компаниите и производите се во ред доколку се пишувани во објективен и непристрасен стил. Сите теми во статијата мораат да бидат проверливи за трети лица, па статиите за многу мали, „гаражни“ компании најверојатно не се прифатливи. Надворешните врски кон комерцијалните организации се прифатливи доколку можат да послужат за идентификација на главните корпорации кои се поврзани со темата (како пример, погледнете ја статијата на англиската Википедија Finishing school). Ве молиме, имајте предвид дека Википедија не го поддржува било кој бизнис и дека не спроведува програми за здружување.
[уреди] Википедија не е ни „mirror“ ни магацин на линкови, слики или медиски датотеки
Википедија не е ни „mirror“, ни магацин за врски, слики или медиски датотеки. Сите содржини додадени на Википедија можеби ќе мора да бидат немилосрдно преправани со цел да се приклучат кон енциклопедијата. Со самото предавање на текстот (или сликата), Вие прифаќате дека ја давате содржината за слободна употреба по ГНУ Општа Јавна Лиценца. 2 Википедиините статии не се:
- Прости збирки на надворешни врски (линкови) или интернет директориуми. Нема ништо лошо во тоа да додадете листа на врски важни за содржината на една статија, но, претераното поврзување ги омаловажува статиите и ги одвлекува од википедиините цели.
- Прости збирки на внатрешни врски (линкови), освен страниците за појаснување кога насловот на статијата е двосмислен или повеќесмислен и листите на теми за помош во организирањето на статиите.
- Прости збирки на јавни поседи или други изворни материјали како што се цели книги или изворни шифри, оригинални историски документи, писма, закони, објави и други изворни материјали кои се корисни само кога се претставени во својот првобитен, непроменет облик. Потполната копија на изворникот треба да се стави во Викиизвор. Нема ништо лошо во користењето на извор во јавен посед, како што е изданието на Енциклопедија Британика од 1911 година за да на статијата и се додаде содржина. Исто така погледнете Википедија:Не вклучувајте копии од примарните извори.
- Збирка на фотографии или медиски датотеки без текст кој би одел со статијата. Доколку сакате претставите некоја слика, обезбедете енциклопедиски контекст или размислете за тоа да ја додадете на Википедиината Галерија. Ако сликата доаѓа од изворот во јавен посед или некој веб-сајт, размислете за тоа да ја додадете во Википедија:Слики кои немаат статии или Википедија:Извори за слики во јавен посед.
[уреди] Википедија не е провајдер на бесплатен хостинг или веб-простор
Не можете да поставите свој сајт, блог или Вики на Википедија. Доколку сакате да користите Вики технологија за организирање на соработка на нешто друго, макар и да е тоа една единствена страница, постојат многу сајтови кои обезбедуваат Вики хостинг, бесплатно или со пари (некои од нив се PeanutButterWiki, Wikicities, SeedWiki, Emergency Digital, Memebot, Riters.com). Исто така можете да инсталирате Вики софтвер на својот сервер. Википедиините страници не се:
- Лични страници. Википедијанците имаат свои лични страници, но тие не се користат за информации кои се важни за работата на енциклопедијата. Доколку сакате да создадете лична страница која не е поврзана со енциклопедиската работа (на пример, поставување на Ваше резиме), искористете еден од многуте провајдери за бесплатни лични страници на Интернет.
- Простори за складирање на датотеки. Ве молиме да испраќате датотеки кои се користат (или ќе бидат користени) во статиите на енциклопедијата; сè останато ќе биде избришано. Доколку имате некои важни слики, поставете ги на Википедиината Галерија, откаде можете да ги поврзете со Википедија.
[уреди] Напомени
Напомена 1 Иако намената на оваа страница е да посочи цврсто поставена политика, таа продолжува да се развива. Доколку сакате да ја цитирате во разговор, бидете сигурни дека сте ја прочитале најновата верзија.
