തോമാ ശ്ലീഹാ
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ശ്ലീഹന്മാര്‍ |
|---|
|
വി. തോമാ ശ്ലീഹാ യേശു ക്രിസ്തുവിന്‍റെ 12 ശിഷ്യന്മാരില്‍ ഒരാളാണ്. ഇദ്ദേഹത്തേ തോമസ്, വി. തോമസ്, യൂദാസ് തോമസ് ദിദിമോസ് എന്നീ പേരുകളിലും അഭിസംബോധന ചെയ്യുന്നു. തോമസ് എന്ന അരമായ വാക്കിന്റെ അര്‍ത്ഥം “ഇരട്ട” എന്നാണ്. അതിനാല്‍ തന്നെ ഇത് അദ്ദേഹത്തിന്റെ പേരല്ല, അദ്ദേഹം ഇരട്ട ആയത് കൊണ്ട് ആണ് എന്ന് അനുമാനിക്കണം. കേരളത്തില്‍ കൃസ്തുമതം പ്രചരിപ്പിച്ചത് അപ്പോസ്തലനായ തോമസ് ആണ് എന്നാണ് വിശ്വാസം. എന്നാല്‍ മാര്‍ത്തോമ്മായുടെ കേരള സന്ദര്‍ശനം ഇന്നും ചരിത്രകാരന്മാര്‍ക്കിടയില്‍ സജീവമായ തര്‍ക്കവിഷയമാണ്.[1] നിര്‍ഭാഗ്യവശാല്‍ മാര്‍ത്തോമ്മായെക്കുറിച്ച് പരിമിതമായ പരാമര്‍ശങ്ങളേ ബൈബിളില്‍ ഉള്ളൂ. ഉള്ളവയാകട്ടേ അദ്ദേഹത്തിന്റെ പ്രേഷിത പ്രവര്‍ത്തനങ്ങളെക്കുറിച്ച് നേരിയ സൂചന പോലും നല്‍കുന്നില്ല.
ഉള്ളടക്കം |
[തിരുത്തുക] ഐതിഹ്യം
[തിരുത്തുക] തോമാ ശ്ലീഹാ കേരളത്തില്‍
എ.ഡി. 52ല്‍ ക്രിസ്തു ശിഷ്യനായ സെന്റ് തോമസ് (മാര്‍ത്തോമ) കൊടുങ്ങല്ലൂര്‍ അടുത്തുള്ള മാല്യങ്കര കപ്പലിറങ്ങി എന്നു പറയപ്പെടുന്നുണ്ട്.[2] കേരളത്തിലെ പ്രബലമായ യഹൂദസമൂഹമാണ് സെന്റ് തോമസിനെ ഇങ്ങോട്ട് ആകര്‍ഷിച്ചെതെന്ന് കരുതുന്നു. അദ്ദേഹം കേരളത്തില്‍ സ്ഥാപിച്ച ഏഴുപള്ളികളും യഹൂദ്ദന്മാരുടെ ആവാസകേന്ദ്രമായിരുന്നു. മാല്യങ്കരയില്‍ അദ്ദേഹം പള്ളി പണിതു. ഇതായിരുന്നു ഇന്ത്യയിലെ അദ്ദ്യത്തെ പള്ളി. ഏഴു പള്ളികള്‍ താഴെ പറയുന്ന സ്ഥലങ്ങളിലാണ്.
- മാല്യങ്കര
- പാലയൂര്‍
- കോട്ടക്കാവ്
- കോക്കമംഗലം (കൊക്കോതമംഗലം)
- കൊല്ലം
- നിരണം
- നിലായ്ക്കല്‍
[തിരുത്തുക] പ്രമാണാധാരസൂചി
- ↑ ഡോ. സ്കറിയ സക്കറിയ. എഡിറ്റര്‍: ഉദയമ്പേരൂര്‍ സൂനഹദോസിന്‍റെ കാനോനകള്‍, എ.ഡി. 1599; പേജ് 15, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ക്രിസ്ത്യന്‍ സ്റ്റഡീസ്, ഓശാന മൌണ്ട്, ഇടമറ്റം 686588, കേരളം. 1994
- ↑ [ http://www.indianchristianity.org/malankara.htm ഇന്ത്യന്‍ ക്രിസ്ത്യാനിറ്റി എന്ന സൈറ്റില്‍ നിന്ന്. ശേഖരിച്ച തീയതി മാര്‍ച്ച് 5 2007]
[തിരുത്തുക] കുറിപ്പുകള്‍
- ↑ സുവിശേഷകാരന്മാരില്‍ മത്തായി, മര്‍ക്കോസ്, ലൂക്കാ എന്നിവര്‍ ശിഷ്യന്മാരുടെ പേരുകള്‍ എഴുതുന്ന കൂട്ടത്തില്‍ മാര്‍ത്തോമ്മായേയും അനുസ്മരിക്കുന്നു. യോഹന്നാന്‍റെ സുവിശേഷത്തില്‍ മാര്‍ത്തോമ്മായെക്കുറിച്ച് മൂന്നു ഘട്ടങ്ങളില്‍ പരാമര്‍ശമുണ്ട്, യോഹ: xi, 16; xiv, 5: xx 25-29
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍ ,ഈ ലേഖനത്തിന്റെ ഇംഗ്ലീഷ് പതിപ്പ്)
