Norwegsche Spraak
From Wikipedia
De norweegsche Spraak is en germaansche Spraak, de in Norwegen snackt warrt. Norweegsch is dicht verwandt mit Sweedsch un Däänsch. Alle dree Spraken höört to de nöördlich Grupp vun de germaanschen Spraken. Spreker vun disse dree Spraken köönt enanner normalerwies verstahn.
Wieldat Norwegen so vele Bargen hett, hebbt sik de norweegschen Dialekte utenanner entwickelt. Un so gifft dat grote Ünnerscheden in Vokabulaar, Grammatik un Syntax. Vele hunnert Johren lang weer de norweegsche Schriftspraak sehr dicht verwandt mit Däänsch.
In de Tiet vun de norweegsche Natschonaalbewegung weer dat en Tostand wo nich alle Norwegers mit tofreden weern. Un so hett Ivar Aasen sik opmaakt un hett de norweegschen Dialekten ünnersöcht, üm de originale norweegsche Spraak weddertofinnen. Dorvun hett he dann sien norweegsche Natschonaalspraak vun buut.
Man nich alle Lüüd harrn sik dormit anfrünnt. Besünners in de Städer hett he de Lüüd nich övertüügt. Un so gifft dat vundaag twee Varianten vun de norweegsche Spraak:
- Bokmål [Bookspraak] (wat mehr liek to dat Däänsch is) und
- Nynorsk [Neenorweegsch] (wat mehr liek to Aasen sien Idee vun de norweegsche Spraak is)
Links
