Musala
Frå Wikipedia – det frie oppslagsverket
| Musala | ||
|---|---|---|
 |
||
| Høgd over havet | 2 925 meter | |
| Ligg i/på | Bulgaria | |
| Fjellkjede | Rila | |
| Primærfaktor | 2 473 meter | |
| Koordinatar | 42°10′47″N, 23°35′12″E | |
| Lettaste rute | Hengebane frå Borovets, og så ein gåtur. | |
Musala (bulgarsk: Мусала) er den høgaste fjelltoppen i Bulgaria og på heile Balkan med ei høgs på 2 925 meter.
Namnet kjem frå Mus Allah, «fjellet til Allah», og vart namngjeve då Bulgaria var ein del av Det ottomanske riket. Det gamle namnet på fjellet var Tangra.
Musala er ein del av Rila nasjonalpark, og er kjend for ein rik flora, inkludert artar som makedonsk furu og bulgarsk gran, og fauna. Området er eit av dei beste for å sjå fuglen murkrypar. Det vert sagt at frå toppen av fjellet kan ein sjå all dei store fjellkjedene i Bulgaria. Desse inkluderar Vitosja i nordvest, Sredna Gora mot nordaust, Balkanfjella i den nordelege horisonten bak Vitosja og Sredna Gora, Rodopifjella i søraust, Pirin i sør, Osogovo og Ruj i vest, i tillegg til sjøve Rila.
Den lettaste ruta til topps er anten ein direkte gåtur frå skisenteret Borovets, 10 km lenger nord. Det finns òg ein hengebane frå Borovets til Jastrebts på 2 369 m og ei rekkje fjellhytter. Frå Jastrebets er det ein times gåtur opp til fjellhytta Musala på 2; 430 meter, og frå her tar det 1,5-2 timar opp til uvêrshytta Everest, den høgastliggande fjellhytta i Bulgaria. På toppen står det òg ein vêrstasjon.
Dei høgaste toppane er Musala 2 925 m, Litle Musala 2 902 m og Iretsjek 2 852 m.
Tre av dei største elvane i Bulgaria, Iskar, Maritsa og Mesta har alle sitt utspring nær Musala.
 Fotturistar nær toppen av Musala. Pyramiden i bakgrunnen er hytta Everest. |
 Ein kan sjå Pirinfjella frå Musala |
 Ein kan sjå kjelda til elva Maritsa frå Musala |
[endre] Kjelde
Denne artikkelen er basert på ei omsetjing av artikkelen Musala frå Engelsk Wikipedia.
