Batalha de Stalingrad
Un article de Wikipèdia, l'enciclopèdia liura.
| Batalha de Stalingrad | |
|---|---|
 |
|
| Batalha per las usinas | |
| Data | 21 d'agost de 1942-2 de febrièr de 1943 |
| Luòc | Stalingrad, URSS |
| Resulta | Victòria decisiva sovietica |
| Armadas presentas | |
| Axe | Union Sovietica |
| Comandants | |
| Friedrich Paulus
Erich von Manstein Hermann Hoth |
Georgi Zhukov
Vasili Chuikov Aleksandr Vasilevski |
| Fòrças presentas | |
| VIena Armada alemanda IVena Armada de Panzer Alemanda IIIena Armada Romana IVena Armada Romana IIeda Armada Ungaresa |
Front de Stalingrad Front del sud-oèst Front de Don |
| Pèrdas | |
| 740 000 mòrts o nafrats
110 000 presonièrs |
750 000 mòrts, nafrats o presonièrs
40 000 o mai de civils tuats |
| Segonda Guèrra Mondiala | |
La Batalha de Stalingrad es considerada coma lo punt d'inflexion de la Segonda Guèrra Mondiala e la mai sagnosa de l'istòria de l'umanitat. S'i afrontèron los alemands e lors aligats (Italians, Romaneses) e los sovietics entre lo 21 d'agost de 1942 (començament del sèti de Stalingrad per las fòrças de l'Axe) e lo 2 de febrièr de 1943 (Redicion de la 6ena Armada alemanda). Incluís lo sèti de la vila pels alemands, los combats dintre de la ciutat e la contra-ofensiva sovietica . Es una victòria decisiva dels sovietics. Las fòrças de l'Axe perdèron 850 000 òmes, sia un quart de las loras fòrças sul Front de l'Est, e un molon de material. L'Axe se poguèt pas jamai remetre d'aquelas pèrdas e començèt una longa retirada fins a Berlin e la desfacha de l'Alemanha Nazi.
Somari |
[Modificar] Situacion iniciala
Lo 22 de Junh de 1941, Alemanha e sos aligats de l'Axe invasisson l'Union Sovietica, en avançar lèu en pregondor en territòri sovietic. L'avança alemanda s'arrestarà davant Moscòu amb la contra-ataca sovietica.
A la prima de 1942 los Alemands estabilizèron las loras linhas de front mas las pèrdas de l'ivèrn rendián malaisida una ofensiva del Grop d'Armada Centre sus la capitala de l'Union Sovietica.
Lo comandament Alemand estudièt alara las possibilitats d'ofensiva endacòm mai. Un dels objectius màgers podiá èsser lo Caucàs e sas riquessas en idrocarburs tan coma lo flume Volga, via màger de comunicacion del "rèire-front" sovietic. Una mestresa d'aquelas doas regions poiriá portar un còp definitiu a la maquina de guèrra sovietica segon los plans alemands.
