Los Angeles
Un article de Wikipèdia, l'enciclopèdia liura.
Los Angeles es la principala ciutat de l'estat american de Califòrnia. Sa populacion es estimada a 3 844 828 abitants, en 2005 (12 925 330 abitants dins la region metropolitana). Sa superficia totala es 1290,6 km², çò que ne fa la segonda ciutat dels Estats Units aprèp Nòva York. Los Americans l'apèlon sovent per son escaisnom L.A. prononciat « él ey ». Aquela ciutat es lo cap-luòc del comtat que pòrta lo meteis nom. Los Angeles significa « los àngels» en espanhòl. Son nom complet es : Pueblo de Nuestra Señora la Reina de Los Ángeles del Río de Porciuncula, es a dire « Lo vilatge de Nòstra-Dòna la Reina dels Angels del riu de Porciuncula »[2].
Mas la sola municipalitat de Los Angeles (la city) es relativament pichona fàcia a l'agglomeracion totala de la ciutat, e mai s'es pus granda que Nòva York e Chicago. Los Angeles es una ciutat olimpica : aculhiguèt los Jòcs Olimpics dos còps (en 1932 e 1984). Mondialament coneguda per son activitat scientifica e culturala, vòl conservar son estatut de ciutat-region mondiala (world city-region)[4]. L.A. es cosmopolita e demòra un dels punts d'entrada principala dels immigrants als Estats-Units. Atrai las populacions gràcias a son climat, son estil de vida e la possibilitat d'i realizar lo "sòmi american".
