Manga
Un article de Wikipèdia, l'enciclopèdia liura.
- Pels articles omonims, vejatz Manga (omonimia).
Manga (漫画) es lo mot japonés que s'emplega per designar la benda dessenhada (o comic) que arribèt de Japon. En defòra de Japon aqueste tèrme es utilizat per se referir al comic japonés e, per extension, la benda dessenhada de totes los païses que l'imiten o mòstren de caracteristicas similaras. La paraula "manga", ven dels mots “man” (involontari o comic) e “ga” (dessenh o pintura) e amb son significat literal "dessenhadas capriciosas", foguèt adoptada en 1814 per l'artista japonés Hokusai Katsuhika.
Actualament, lo genre manga constituís una part plan importanta del mercat editorial d'aquel país. Lo manga compren totes los genres e arriba a totes los publics, amb a mai d'adaptacions al cinèma (dessenhs animats o films d'animacion) e segur de jòcs vidèo. L'equivalent dels manga en animacion a per nom anime. En 1988, gràcias a la capitada de la version cinematografica d'"Akira", lo manga comença a se difusar internacionalament.
