Stonehenge
Un article de Wikipèdia, l'enciclopèdia liura.
Stonehenge es un monument megalitic del neolitic e de l' edat del bronze situat prèp d' Amesbury dins lo comtat anglés de Wiltshire, a pauc près a 13 km al nòrd de la vila de Salisbury.
Es compausat de talús de tèrra qu'enrodan mantun cercles de bèlas pèiras plantadas e es un dels mai famós sits preïstoric dins lo mond. Los arqueològs pensan que las pèiras ficadas foguèron quilhadas entre 2500 e 2000 abans lo Crist, emai que los talús e valats exteriors que contituísson la pus anciana partida del monument, siagàn datats d'a pauc près 3100 abans lo Crist. Lo sit es classat per l'UNESCO coma sit del Patrimòni Mondial.
Somari |
[Modificar] Estructura
[Modificar] Stonehenge I
.Lo primièr monument foguèt pas qu'un enclaus circular delimitat per una levada de tèrra e un valat exterior (7 et 8), mesurant a pauc près 110 m de diamètre, amb una dintrada principala orientada cap al nòrd-èst, e una autre mai pichona cap al sud (14). Aquò se trapava dins un camp penjarut (3100 abans lo C).
[Modificar] Stonehenge II
Es un doble cercle concentric de setanta sièis pèiras ficadas que foguèron quilhadas vèrs 2600 ans abans lo Crist. Quaranta tres d'aquelas pèiras foguèron portada de la region de Pembrokeshire dins lo País de Galas actual, a mai de 250 km mai luènh.
[Modificar] Stonehenge III
Fin finala, un cercle central de 30 m de diamètre, constituat de trenta monolits de crès sonats Sarsen e portats del sit de Malborough Downs situat 40 km al nord. Mesuran dins los 4 m per en mejana 25 tonas cadunas e son religadas per mantun lindèls pausats a lor somal.
