Tractats de Roma

Un article de Wikipèdia, l'enciclopèdia liura.

Pels articles omonims, vejatz Tractats de Roma (omonimia).

Dos tractats foguèron signats a Roma lo 25 de març de 1957. S'apèlan lo tractat de Roma (abusivament) o los tractats de Roma.

S'agís :

del Tractat instituent la Comunautat economica europenca. Es l’acte fondator de la Comunautat economica europenca (CEE). Foguèt signat per l’Alemanha, la França, l’Itàlia e los tres païses del Benelux : Belgica, Luxemborg e Païses Basses. Aqueste tractat instituiguèt lo mercat comun e definiguèt las basas de la politica agricòla comuna (PAC) mesa en òbra en 1962.

Constituís lo sol tractat de patz signat entre poténcias belligerantas europencas a l’eissida de la Segonda Guèrra mondiala.

del tractat instituent la CEEA, apelat Comunautat Europenca de l'Energia Atomica o Euratom.

De mai, lo tractat CECA es estat junt a aquestes dos tèxtes.

[Modificar] Modificacion dels tractats

Lo Tractat de Maastricht del 7 de febrièr de 1992 a renomenat la Comunautat economica europenca en Comunautat europenca. Lo nom del tractat es doncas vengut oficialament : « Tractat instituent la Comunautat europenca ».

Lo Tractat es estat modificat successivament per :

L’Acte unic europenc signat a Luxemborg, entrat en vigor lo 1^èr de julhet de 1987 ;
Lo Tractat de Maastricht, entrat en vigor lo 1^èr de novembre de 1993, instituent l’Union europenca.
Lo Tractat d'Amsterdam, entrat en vigor lo 1^èr de mai de 1999, modificant lo tractat sus l’Union europenca, los tractats instituent las Comunautats europencas e cèrts actes connèxes.
Lo Tractat de Niça, entrat en vigor lo 1^èr de febrièr de 2003.
Lo Tractat de Roma de 2004, tanben dich Tractat establissent una Constitucion per l'Euròpa, signat lo 29 d'octobre de 2004 pels caps d'Estat membres de l’Union europenca. L'entrada en vigor d'aqueste darrièr tractat demòra çaquelà incertana aprèp lo reget per referendom del tractat en França e als Païses Basses en 2005.

[Modificar] Cronologia de l'union europenca

Union europèa - Tractats europencs, istòria

1952	1958	1967	1993	1999	2003	?
			U N I O N E U R O P E N C A
Comunautat europèa del carbon e de l'acièr (CECA)
	Comunautat economica europèa (CEE)		Comunautat europèa
	Euratom (Comunautat europèa de l'energia atomica)
		...Comunautats europèas: CECA, CEE , Euratom	Justícia e afars interiors
		...Comunautats europèas: CECA, CEE , Euratom	Politica estrangièra e de securitat comuna (PESC)
Tractat de París	Tactat de Roma	Tractat de fusion	Tractat de Maastricht	Tractat d'Amsterdam	Tractat de Niça	Tractat de Roma II (projècte de constitucion)

"TRES PILARS" - Comunautats Europèas (CE, Euratom), Politica exteriora e de securitat comuna (PESC), Justícia e afars interiors (JAI)