Beijing
Frae Wikipedia
Beijing is the caipital o the People's Republic o Cheenae. The ceity is kent as Peking an aw. It's locatit in the nor'east o the kintra.
The ceity o Beijing haes played a gey important pairt in the oncome o Cheenae. Mony fowk fae ither ceeties an kintras haes flittit tae Beijing tae leuk for wark. Near-haund 15 meellion fowk bides there. In 2008 Beijing will host the Olympic Gemmes.
Beijing haes a kenspeckle history. Syne the Jin deenasty, Beijing's been the caipital for mony deenasties, sic as the Yuan, Ming, Qing, an ithers forby. There's mony places o historic interest in Beijing. Thir places includes the Summer Pailace, the Temple o Hieven, an the Great Waw o Cheenae.
[edit] Name
Beijing means "the northren caipital" in the Cheenae leid. It wis ance a coonterpairt tae Nanjing, "the soothren caipital", durin the Ming Deenasty. This deenasty gied Beijing its name.
[edit] History
The middle o Beijing wis settelt in the 1st millennium BC. In thae days, the Kinrick o Yan (?) set up their caipital whaur Beijing is the day. They cried it Ji (?). Efter the Kinrick o Yan wis malafoustert, the ceity becam wee-er, awtho it wis still an important place.
Beijing becam mair important again in the 10t century, whan the Jin deenasty set its caipital there. This ceity wis malafoustert bi Mongol arimies in 1215. Then in 1267, Mongols biggit a new ceity on the north lip o the Jin caipital, an cried it "Great Caipital" (??). That wis the beginnin o modren Beijing. Whan Kublai Khan, the Mongolian monarch, set up the Yuan deenasty, this ceity becam his caipital.
The Yuan, Ming, an Qing deenasties aw uised Beijing as their caipitals. Whan the Qing deenasty tint pouer an the Republic o Cheenae wis establisht, the new Republic muived its caipital fae Beijing tae Nanjing. Whan the communists claucht pouer an estaiblisht the People's Republic, Beijing becam the caipital o Cheenae ance again.
