జగిత్యాల

వికీపీడియా నుండి

జనాభా (2001 లెక్కలు)
జగిత్యాల మండలం

జిల్లా:	కరీంనగర్
రాష్ట్రము:	ఆంధ్ర ప్రదేశ్
ముఖ్య పట్టణము:	జగిత్యాల
గ్రామాలు:	24
మొత్తము:	150.565 వేలు
పురుషులు:	75.402 వేలు
స్త్రీలు:	75.163 వేలు
అక్షరాస్యత (2001 లెక్కలు)
మొత్తము:	62.75 %
పురుషులు:	75.25 %
స్త్రీలు:	50.31 %
చూడండి: కరీంనగర్ జిల్లా మండలాలు

జగిత్యాల, ఆంధ్ర ప్రదేశ్ రాష్ట్రములోని కరీంనగర్ జిల్లాలోని ఒక పట్టణము మరియు అదే జిల్లాకు చెందిన ఒక మండలము. హైదరాబాదు నుండి 5 గంటల రోడ్డు ప్రయాణ దూరంలో జగిత్యాల ఉన్నది. చుట్టుపక్కల 50 చ కి మీ లలోని 30 గ్రామాల ప్రజలకు జగిత్యాల వ్యాపార కేంద్రం. ఈ ప్రాంతపు ప్రజలకు ఇది విద్యాకేంద్రం కూడా. పట్టణానికి ఉత్తరాన జఫరుద్దౌలా 1747 లో కట్టించిన పాత కోట కలదు. సమీప, దూర ప్రాంతాల పట్టణాలు, జిల్లాలు, రాష్ట్రాలతో జగిత్యాలకు చక్కని రవాణా సౌకర్యాలు ఉన్నాయి. జగిత్యాల ఒక శాసనసభ నియోజకవర్గ కేంద్రము.

నిజాము పరిపాలన గుర్తుగా జగిత్యాలలో అప్పటి నిర్మాణాలు కొన్ని ఉన్నాయి. అయితే ఇవి ప్రస్తుతం శిధిలావస్థలో ఉన్నాయి. పవిత్ర స్థలాలైన కొండగట్టు గుట్ట (ఆంజనేయ స్వామి దేవాలయము), ధర్మపురి (దేవాలయాలు, నది) జగిత్యాలకు సమీపంలో ఉన్న యాత్రా స్థలాలు.

జగిత్యాల కరీంనగర్ జిల్లాలోని ప్రముఖ పట్టణాల్లో ఒకటి. ఇది ఒక శాసనసభా నియోజకవర్గ కేంద్రం. జగిత్యాల తపాలా కోడు 505327.

జగిత్యాల చుట్టుపక్కల ప్రసిద్ధి చెందిన పుణ్యక్షేత్రాలు ఉన్నాయి. వేములవాడ (56 కి.మీ), ధర్మపురి (32 కి.మీ), కొండగట్టు (24 కి.మీ) వీటిలో ప్రముఖమైనవి. ప్రముఖ చారిత్రక ప్రదేశమైన పొలాస (కాకతీయుల నాటి పౌలస్త్యేశ్వరపురం) జగిత్యాలకు చేరువలోనే ఉంది. చుట్టుపక్కల గ్రామాలకు జగిత్యాల విద్యాకేంద్రంగాను, వ్యాపార కూడలి గాను ఉంది.

పట్టణానికి ఉత్తరాన జాఫరుద్దౌలా 1747 లో కట్టించిన పాత కోట కలదు. నిజాములు నిర్మించిన అనేక ఇతర నిర్మాణాలు కూడా జగుత్యాలలో ఉన్నాయి. జగిత్యాల జిల్లాలోని ఇతర పట్టణాలతో రోడ్డు మార్గం ద్వారా కలుపబడి ఉంది. పట్టణానికి రైలు మార్గం లేదు.