Toeroet

From Wikipedia

Stad Toeroet
Torhout
Liggienge binnen het arrondissement Brugge in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Brugge
Liggienge	51°03' NB 03°06' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	45,23 km²
Inweuners (Bron: NIS)
Inweuners – Vintn – Vrown – Bevolkiengsdichtheid	19.453 (01/01/2006) 49,94% 50,06% 430 inw./km²
Leeftydsipbow 0–17 joar 18–64 joar 65 joar en oeder	(01/01/2004) 19,08% 62,89% 18,03%
Buutnlanders	1,01% (01/07/2005)
Weirklôoseidsgroad	7,09% (01/01/2006)
Polletiek
Burgemêester	Norbert Decuyper
Coaliesje	CD&V
Zetels CD&V sp.a Welzin VLD onafhankelyke	25 15 4 3 2 1
Dêelgemêentn me postcode
Postcode	Dêelgemêente
8820	Toeroet
And're info
Zonenummer	050
Poliesjezone	{{{polz}}}
Webadres	www.torhout.be

Toeroet (officieel Nederlands: Torhout) is e stad in de provinsje West-Vloandern. D'er weun mêer dan 19.000 menschen.

De noame va de stad werd vroeger ip z'n Frans geschreevn: Thourout. Bie spelliengservormiengn werd die noame vernederlanst noa Torhout, moa an diene kant van West-Vloandern wordt da nog oltyd lyk Toeroet uutgesproken.

[bewerk'n] Overige kernen en buurgemeenten

Toeroet eit gin echte dêelgemêentn die vroeger oenafhankelyk woaren, moa der liggn wel nog e poar klêne parochjes in Toeroet, lyk Wyndoale en Sint-Enricus. Sint-Enricus is e klêen parochietje ip de boane van Kortemark noa Lichtervelde, en 't lich zelfs dichter bie 't centrum van die gemêentn dan bie Toeroet-stad. Tegen Toeroet-centrum liggn der nog e poar parochjes die me't centrum verweven groaken, Sint-Jozef Arbeider (beter gekend as De Driekeuniengn) en Don Bosco. In 't centrum zelve zien der nog e poar grôte wiekn die en eign noame èn, lyk Maria Assumpta en De Goede Herder.

#	Noame	Ippervlakte	Bevolkienge
I	Toeroet
II	Wyndoale
III	Sint-Enricus
IV	De Driekeuniengn
V	Don Bosco

De gemêente Toeroet grenst an die gemeentjes ier:

a. Erdryke (gemêente Zillegem)
b. Veldegem (gemêente Zillegem)
c. Ruddervoorde (voe specifieker te zien: de wiek Baliebrugge) (gemêente Ôostkamp)
d. Lichtervelde (gemêente Lichtervelde)
e. Gits (gemêente Ôoglee)
f. Kortemark (gemêente Kortemark)
g. Ichtegem (gemêente Ichtegem)

Toeroet, pleksjes en buurgemêentn. De gele stikk'n zien de bebowde gebiedn.

[bewerk'n] Specialiteitn

Toeroet is bekend vo ziene goeie mostaard: t wostyntje^[1]

[bewerk'n] Attractjes

Toeroet was eindelyk het mêest bekend bie den gemiddelden weireldburger deur Toeroet-Werchter, een joarlyks rockfistival in 't begun van de vacance. De West-Vloamingen ein nog olsan nie verteird dat 't nu allêne in Werchter gehouden weird
Tusschen Toeroet en Ostende ligt de Groêne 62. Vroeger was da ne spoorweg, woa da ze nu e natuurgebied en vélo- en wandelboane va gemakt ein.
't Kastêel van Wyndoale en Wyndoale Bus, juuste buutn 't centrum van Toeroet. Maria van Bourgondië is ier verongelukt as ze 25 joar oed was, toen da ze van eur peird was gevolln bijst e valkenjacht in de bussen van Wyndoale. De 25ste meie 1940 giengn der ier belangryke gesprekken deure tusschen keunienk Leopold III en ze ministers, wa loater leidde toet de keuningskwestie.
Een ander kastêel is Kastêel d'Aertrycke, of De Maeres kastêel.
Olle joare wordt den ultraloopkoers De Nacht van Vlaanderen roend Toeroet g'organiseerd. De wedstried vertrekt en arriveert in de stad.
Joarlekse tradiesie es de peirdemart woarda der veel volk noa toekomt
In 't kastêel Raavenhof is ter a tentoonstellienge over Toeroets eirdewerk ^[2]
Groenhove bus is a vree schoon gebied voe te wandeln en voe met de vélo te ryn.

[bewerk'n] Bekende Toeroetnoars

Dirk Tanghe: regisseur en toneelmoaker, sinds 1996 artistiek directeur van de Paardenkathedraal, et professioneel theoatergezelschap van Utrecht
Jozef Verhaeghe: directeur van 't VTI ip ruste
Eugène Van Oye: docteur, dichter, tonêelschryver, flamingant