Michael Schumacher
Èn årtike di Wikipedia.
Michael Schumacher (e walon, on l' loméve cobén Mitchî Choumake, et ses près-soçons, Choumi), c' esteut on coreu en oto d' coûsse di Formule I. Il a skepyî li 3 d' djanvî 1969.
L' ome a cminçî a cori e F1 e 1991. C' esteut po l' ecureye Benetton. E 1996, il a candjî po ndaler avou les Ferrari.
Il a yeu set tites di tchampion do monde. Il a wangnî 91 Grands Pris, inte did zels li ci d' Francortchamp e 1992 (si prumire victwere), 1995, 1996, 1997 2001 et 2002. Si dierinne victwere fourit a Shangai e 2006.
Il a stî 154 côps sol podiom.
E 1994, il a wangnî 13 Grands Pris sol minme såjhon.
Il a metou ahote a s' cårire li 22 d' octôbe 2006 a Sao Paulo e Braezi.
Po des linwincieusès racsegnes sol mot "choumake" (li ptit no walon k' est l' minme mot k' el no d' famile "Schumacher"), alez s' vey e splitchant motî.
[candjî] Alére
Jean Goffart : Les tchafiaedjes da Ptit Louwis (4) : "Mitchî do Choumake", divins Li Rantoele, l° 41, bontins 2007.
