Biosfeer
vanuit Wikipedia, die vrye ensiklopedie.
Die biosfeer bestaan uit mense, diere en plante.
Mense het baie natuurlike vyande, waarvan mikroskopiese organismes wat mense siek maak en hul lewens eis, van die gevaarlikste is. Mikrobes soos bakterië en virusse wat ons siek maak, kan gewoonlik deur medisyne genees en voorkom word. Soms, soos in die geval van MIV/vigs, is daar egter nie 'n geneesmiddel nie.
Epidemies en pandemies het in die verlede miljoene mense se lewens geëis en miljoene rande se skade veroorsaak, en dit gebeur selfs vandag nog.
Tussen 1348 en 1350 het die Swart Dood naastenby 25% van die Europese bevolking uitgewis. In 1665 het die Groot Plaag van Londen duisende mense laat sterf.
Vandag is die plae van die verlede nie meer so 'n groot gevaar nie, as gevolg van inenting en beter mediese dienste. Soms kan so 'n plaag opnuut in sekere streke uitbreek, veral in die ontwikkelende lande. So byvoorbeeld het daar in Mei 1974 'n pokke-epidemie in ontwikkelende gebiede uitgebreek. 55 127 gevalle is aangeteken, maar 'n intensiewe inentingspoging van die Wêreld-Gesondheidsorganisasie het dit weer baie vinnig onder beheer gebring.
Melaatsheid is 'n siekte wat uit die Bybelse tyd algemeen voorgekom het. Dit is 'n siekte wat geassosieer word met swak gesondheid as gevolg van ondervoeding. Vandag kom hierdie siekte nog in ontwikkelende lande voor, en die mense wat dit opdoen word nie meer uit die gemeenskap verban nie.
[wysig] Soorte Siektes
Daar bestaan honderde siektes op aarde. Net sekere soorte siektes is oordraagbaar. Daar is ses siektes wat 90% van alle sterftes aan oordraagbare siektes veroorsaak. Hulle is:
- Griep
- MIV/vigs
- Cholera
- Tuberkulose
- Malaria
- Masels
Dit is ook hoofsaaklik hierdie siektes wat epidemies en pandemies veroorsaak en 'n wêreldwye poging verg om effektief beveg te word.
