Kalahari
vanuit Wikipedia, die vrye ensiklopedie.
Die Kalahari-woestyn is 'n uitgestrekte dorre tot halfdorre sanderige gebied. Dit is geleë in suidelike Afrika, met 'n oppervlakte van ongeveer 900 000 km², wat 'n groot gedeelte van Botswana insluit, en dele van Namibië en Suid-Afrika. Die omliggende Kalahari-bekken se oppervlakte strek oor meer as 2.5 miljoen km².
Die enigste permanente rivier is die Okavango. Dié rivier dreineer in 'n deltagebied wat uit moerasse bestaan, en spog met 'n ryke natuurlewe. Daar bestaan ook antieke droë rivierbeddings-omuramba genoem- regoor die sentrale noordelike dele van die Kalahari wat poele water bevat tydens die reënseisoen. Die rivierbeddings is deesdae meestal weidingsareas waar minder wilde diere voorkom as vroeër. Daar was 'n groot verskeidenheid diere soos olifante en kameelperde asook predatore soos leeus en jagluiperds.
Kategorieë: Woestyne | Suid-Afrika | Namibië | Botswana
