Bern
Us der alemannische Wikipedia, der freie Dialäkt-Enzyklopedy
Bärn isch d Bundesstadt vor Schwyz und ligt ar Aare.
Z Bärn redt me Bärndütsch, e hochalemannische Dialäkt . Es git o bekannti bärndütschi Musig, zum Byschpiu vo Züri Wescht, Patent Ochsner oder vom Gölä. Woby me der Mani Matter nid darf vergässe, wo aus Bärner Troubadur schwyzwit berüemt worde isch.
Bärn isch d Bundesstadt vor Schwiz u drum o Sitz vom Parlamänt. Vili Gebäude vor Bundesverwautig si äbäfaus in Bärn. D Uni Bärn isch bekannt für ne höche Biudigsgrad.
D Bärner Loube si einzigartig u schütze gäbig vorem Räge, we me wot lädele.
Z Bärn gits es Münschter, aber o der Zytglogge u dr Chäfigturm, der Bäregrabe, e nöi renovierte Bahnhof und im Gägesatz zu Züri oder Basu si d Tram z Bärn rot.
Im Herbscht, immer am vierte Mäntig vom Novämber, isch der Zibelemärit, eis vo de gröschte Vouchsfescht vor Schwyz.
"E Bärnerschädu isch auso nid öppe us Plastigg" - d Ywohner vo Bärn gäute aus rächt eigesinnig. Si sy uf ne sehr humorvoui Art rächt urchig und bodeständig.
Z Bärn hets d Waudou, ds Psychatrische Unispitau vo Bärn. Z Bärn gits o no d Rithaue; u im Summer isch der Badeplousch ir Aare unübertroffe.
d In quartier si dr breitsch ud länggass, dert wohne am meischte studänte.
[ändere] Geografy
Im Norde gränze d Quartier Breiterein u Lorraine a ds Zäntrum, im Oschte dr Obschtbärg, d Schosshaude und im Süde ds Chiuchefäud und ds Murifäld. Wyter ussen im Weschte lige Bümpliz u Bethlehem.
Lueg o: Kanton Bern
