Ordnungszahl

Us der alemannische Wikipedia, der freie Dialäkt-Enzyklopedy

Dä Artekel behandelt d'Ordnigszahl als chemische Begreff. För de Begreff i de Mängelehr lueg bitte onder Ordinalzahl.

---

D`Ordnigszahl, au Atomnommere oder Chärnladigszahl, ged d Azahl vo de Protone im Atomchärn a. S'Formlezeiche vo de Ordnigszahl esch s'Z. Atom met de gliich Ordnigszahl ghörid zom gliche Elemänt und verhaltid sech gliich bi chemische Reaktione.

Sie werd onde lenggs näbem Elemäntsymbol aagäh, Bispel:

• ₁H (Wasserstoff) oder ₈O (Suurstoff)

Well aber s Elemäntsymbol eidütig d'Ordnigszahl bestemmt, werd d'Ordnigszahl sälte - meischt nor i tabellarische Öbersechte - i dere Form aagäh.

Lueg au: Massezahl, Isotop, Periodesystem