Francis William Aston
De Uiquipedia
Francis William Aston (1 de setiembre de 1877, Birmingham, Inglaterra - 20 de payares de 1945, Londres) foi un físicu y químicu británicu.
En 1903 consigue una beca pa estudiar na Universidá de Birmingham. En 1909 pasa pal Llaboratoriu Cavendish en Cambridge, convidáu por Joseph John Thomson, onde trabayó na idendificación de los isótopos del neonio y experimentó les descargues llétriques en tubos de baxa presión. Foi profesor del “Trinity College de Cambridge".
Retomó los sos estudios depués de la I Guerra Mundial en 1919, inventando un Espectrógrafu de masa que-y permitió descubrir el porqué de les diferencies de masa en dellos isótopos non radioactivos. Con estos estudios ye a identificar, polo baxo, 212 de los 287 isótopos naturales.
En 1922 concediéron-y'l Premiu Nobel de Química pol éxitu algamáu al determinar les mases atómiques de tolos elementos del sistema periódicu. Igualmente, esi mesmu añu concediéron-y la medalla Hughes, qu'otorga la Royal Society (l'academia de ciencies británica).
En 1921 ingresó na Royal Society, y en 1935 foi escoyíu presidente del Comité Atómicu Internacional.
De les sos obres, les más importantes tan n'Isótopos (1922) y Masa-Espectru y Isótopos (1933).
