Lao Tzu
De Uiquipedia
Lao Tzu (老子 Lǎozi, tamién escrito y pronunciao Lao Zi o Lao Tsé), foi un filósofu chinu que vivió haza'l Sieglu VII a.C.. Atribúi-yse l'autoría de la obra fundadora del Taoísmu: o Tao Te King.
Pa dellos, Lao Tzu ye un personax míticu, y nun se conoz abondo de la so vida. El so nome, más un alcuñu, podría tornase como "El mozu vieyu" (Lao: Vieyu, Tze: Mozu), si bien tamién correspuendese con una graduación nobiliaria asemeyada al occidental 'vizconde'. La lleenda cuenta que naciera embaxu una nisal, dempués de 81 años de xestación, con llargues barbes y pelu blanco, daqué que considérase una metáfora de l'antigüedá del taoísmu, anterior a la redaición del Tao Te King.
Lao Tzu, sigún la tradición china, ñació alrodiu de 600 e.C., na moderna provincia d'Honán, y trabayó bien d'años como bibliotecariu real. Dempués de Confucio, nengún exerció tan grande influyencia nel pensamientu y na historia de China como Lao-Tsé, tradicionalmente consideráu fundador del movimientu filosóficu taoísta. El so contautu colos llibros y la so sabeduría personal induxo-y a crear una doctrina de cálter panteísta según la cuala, el Tao, el camín, ye l'entamu material y espiritual, creador y ordenador del mundu. Nel tarrén práuticu preconizó la vida contemplativa y el desaniciu de cualquier arranamientu.
