Moldavia
De Uiquipedia
|
|||
| Llema nacional: nun tien | |||
 |
|||
| Llingües oficiales | Moldavu (rumanu), rusu y ucranianu (en Transnistria) y gagauzu (en Gagauzia) | ||
| Capital | Chişinău | ||
| Presidente | Vladimir Voronin | ||
| Primer ministru | Vasile Tarlev | ||
| Superficie - Total - % agua |
Llugar 135 33.843 km² 1,4% |
||
| Población | Llugar 116
|
||
| Independencia
|
De la Unión Soviética | ||
| Moneda | Leu | ||
| Fusu horariu | UTC +2 | ||
| Himnu nacional | Limba Noastră
( La nuestra llingua ) |
||
| Dominiu Internet | .md | ||
| Códigu telefónicu | 373 | ||
| Miembru de: ONU | |||
La República de Moldavia (en rumanu Republica Moldova) ye un país d'Europa del Este, que llenda con Rumanía al Oeste y con Ucrania al norte, al este y al sur.
Moldavia ye tamién el nome d'una provincia del noreste de Rumanía.
Tabla de conteníos |
[editar] Territoriu
El territoriu del país coincide col de l'antigua República socialista soviética de Moldavia, que proclamó la independencia'l 27 d'agostu de 1991, coles mesmes fronteres dellimitaes por Stalin en 1944 y confirmaes en 1947 pol Tratáu de París.
Esti territoriu representa namás que'l 32% del antiguu Principáu de Moldavia, de la Edá Media (Besarabia y Bucovina, n'amariellu nel mapa), qu'abarcaba tamién l'actual provincia rumana del mesmu nome, y los accesos al Mar Negru, que formen parte anguaño d'Ucrania. A esti territoriu, amestose-y una fastera, la Transnistria, que pertenecía anteriormente a Ucrania.
[editar] Xeografía
Asitiada nel sureste d'Europa, ente los Cárpatos, les llanures d'Ucrania y a prosimidá del Mar Negru, Moldavia ocupa una plaza xeostratéxica de premier orde, lo qu'esplica la presencia militar rusa na Transnistria. La posición de Moldavia vese fraxilizada poles tendencies secesionistes d'esta rexón mayoritariamente rusófona, pela que pasaben obligatoriamente los sos principales intercambios comerciales, tradicionalmente orientaos al este (Rusia y Ucrania).
L'aisllamientu de Moldavia vese reforzáu pola falta d'accesos direutos al Mar Negru y por ser un territoriu circonscritu ente dos ríos: El Prut, que s'axunta al Danubiu antes de desembocar nel Mar Negru, marca la llende occidental de Moldavia. Al noreste, el ríu Nistru, que crucia'l país de norte a sur marca de facto la frontera con la Transnitria.
El norte del país ye una zona montañosa, anque les cimes nun sobrepasen los 430 m. d'altor del monte Dealul Bălăneşti.
El clima ye continental templáu, con veranos calorosos y temperatures moderaes n'iviernu.
Les principales ciudaes son la capital, Chişinău, nel centru del país, Tiraspol (en Transnistria), Bălţi y Bender.
[editar] Demografía
En 2002 Moldavia tenía una población de 4.431.570 habitantes y una densidá de 131/km². Por grupos étnicos, la distribución de la población ye la que vien darréu:
- rumanos: 64.5%
- ucranianos: 13.8%
- rusos: 13%
- búlgaros: 2%
- gagauzos y otros: 5.2%
Les principales confesiones relixoses son el cristianismu ortoduxu (98 %)y el xudaísmu (1.5%).
[editar] Distritos
Dende 2003 (llei del 19 de marzu), el territoriu de Moldavia componse de 32 distritos, 3 conceyos (Chişinău, Bălţi y Tighina) y dos rexones semi-autónomes (Găgăuzia y Transnistria).
- Anenii Noi
- Basarabeasca
- Briceni
- Cahul
- Cantemir
- Călăraşi
- Căuşeni
- Cimişlia
- Criuleni
- Donduşeni
- Drochia
- Dubăsari
- Edineţ
- Faleşti
- Floreşti
- Glodeni
- Hînceşti
- Ialoveni
- Leova
- Nisporeni
- Ocniţa
- Orhei
- Rezina
- [Rîşcani|Rîşcani]]
- Sîngerei
- Soroca
- Străşeni
- Şoldăneşti
- Ştefan Voda
- Taraclia
- Teleneşti
- Ungheni
Antes d'esta llei, Moldavia taba dividida en 9 provincies o judeţe, un conceyu (la capital) y dos unidaes territoriales.
- Bălţi
- Cahul
- Chişinău (conceyu)
- Edineţ
- Găgăuzia (unidá territorial autónoma)
- Lăpuşna
- Orhei
- Soroca
- Stânga Nistrului (unidá territorial)
- Tighina
- Ungheni
[editar] Historia
El territoriu de l'actual Moldavia tuvo pobláu na Antigüedá polos dacios. Situáu nuna ruta estratéxica ente Asia y Europa, conoció varies invasiones a lo llargo de la historia.
Na Edá Media, la provincia de Besarabia (que correspuende a la mayor parte de la República de Moldavia con dellos territorios más al norte y al sur) constituyó la parte oriental del Principáu de Moldavia.
El Principáu de Moldavia foi tributariu del Imperiu Otomanu, hasta'l Tratáu de Bucarest, que tresfirió Besarabia a Rusia en 1812, quedando la parte oriental integrada en Rumanía.
Tres la revolución rusa, Besarabia algamó la independencia en 1918, y integrose en Rumanía esi mesmu añu.
El pautu Molotov-Ribbentrop permitió a la Unión Soviética ocupar Besarabia en xunu de 1940. Anque la perdieron en 1941, volvieron a recuperala definitivamente n'agostu de 1944. Na dómina soviética, les rexones del norte y del sur de Besarabia, habitaes por ucranianos y rumanos pasaron baxo alministración ucraniana, mientres que Transnistria, con una importante población rusa axuntose al restu del territoriu, configurándose asina la República Soviética Socialista de Moldavia.
El 27 d'agostu de 1991, Moldavia declaró la independencia, y n'avientu del mesmu añu integrose, con otres ex-repúbliques soviétiques na Comunidá d'Estaos Independientes.
Dende la independencia, Moldavia conoció dos conflictos armaos, ún en Gagauzia, onde vive una importante minoría turcófona, y otru en Transnitria, onde los secesionestes rusófonos declararon unilateralmente la so independencia.
Anque hubo movimientos en favor de la reunificación con Rumanía, nun referéndum convocáu en 1994, la mayoría de la población moldava pronunciose pola conservación de la independencia.
[editar] Gobiernu y política
El parllamentu unicameral moldavu cuenta con 101 escaños, y los sos miembros son ellixíos por sufraxu universal cada cuatro años.
El Parllamentu elixe al presidente, que tien les funciones de xefe del estáu y noma al primer ministru, como xefe de gobiernu. El primer ministru ye responsable del so gabinete y tán sometios entrambos a la aprobación del parllamentu.
Anguaño gobierna'l país el Partíu Comunista de Moldavia (Partidul Comuniştilor din Moldova, PCM). Anque nun principiu llevó a cabu una política favoratible a los intereses rusos, tres de ganar otra vuelta les elleiciones el 6 de marzu de 2005, tuvu un xiru pro-occidental. Esti cambéu suel esplicase pola so voluntá d'algamar el sofitu de la OSCE pa resolver el conflictu de Transnistria y pola influencia del trunfu elleutoral de Victor Yuxchenco n'Ucrania.
[editar] Economía
Moldavia beneficia d'un clima afayadizu y d'un bon terrenu, pero nun dispón malapenes de xacimientos minerales. Poro, la so economía ta basada esencialmente na Agricultura, qu'emplega al 35% de la población activa. Les principales producciones son la fruta, les hortalices, el vinu y el tabacu.
Les poques industries del país tán concentraes en ciudaes como Chişinău y Tiraspol.
Como la mayoría de les antigües repúbliques soviétiques, Moldavia ta nun periodu d'evolución hacia la economía de mercáu. El país conoz una grave crisis y ta consideráu como'l más probe del continente européu en términos de renta per capita. Esta situación económica llevó a emigrar a munchos moldavos: calcúlase que alredor d'un millón d'ellos viven nel extranxeru.
[editar] Enllaces esternos
- Moldavia vista dende Italia, (n'italianu y rumanu)
- Informaciones d'ordre xeneral, turísticu y económicu (en francés).
- sitiu oficial del Gobiernu moldavu, (en moldavu y rusu)
- Sitiu oficial del Parllamentu (en rumanu, francés, inglés y rusu)
- oficial del Ministeriu de Turismu moldavu (en rumanu, rusu y inglés)
| Países d'Europa | ||
| Albania | Alemaña | Andorra | Austria | Azerbaiyán | Bielorrusia | Bélxica | Bosnia-Herzegovina | Bulgaria | República Checa | Chipre | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Holanda | Hungría | Irlanda | Islandia | Italia | Letonia | Liechtenstein | Lituania | Luxemburgu | República de Macedonia | Malta | Moldavia | Mónaco | Montenegru | Noruega | Polonia | Portugal | Reinu Uníu | Rumanía | Rusia | San Marino | Serbia | Suecia | Suiza | Turquía | Ucrania | Vaticano | Xorxa | ||
| Posesiones: Islles Feroe | Xibraltar | Guernsey | Jan Mayen | Jersey | Irlanda del Norte | Islla de Man | Svalbard | ||
