Sigmund Freud
De Uiquipedia
Sigismund Schlomo Freud (Freiberg, 6 de mayu de 1856 - Londres, 23 de setiembre de 1939), más conocíu como Sigmund Freud, foi un mélicu neurólogu austríacu y el principal impulsor del psicoanálisis. Entamó la so carrera intersándose pola hipnosis y el so usu pa tratar enfermos mentales. Más tarde, anque caltuvo na terapia dellos aspeutos d'esa téunica, reemplazó la hipnosis pola asociación llibre y l'análisis de los suaños pa desendolcar lo que, anguaño, conozse como «la cura la fala». Too esto foi conformándose nel puntu de partida del psicoanálisis. Freud interesóse polo que entós llamábase histeria (güei trastornu de conversión) y na neurosis (anguaño clasificación escartada pola psiquiatría, y apaez na nosoloxía psicoanalítica reclasificada embaxo estremaes denominaciones: afecciones psicosomátiques, neurosis y psicosis).
Les teoríes de Sigmund Freud y el tratamientu que-yos daba a los sos pacientes causaron un gran alderique na Viena del sieglu XIX y el discutiniu sobre les mismes entá continúa anguaño. Les sos idees son bramente dicutíes y criticaes, y la so obra interprétase más bien como perteneciente al campu la lliteratura y la cultura. Amás, esiste un ampliu debate sobre si'l psicoanálisis y los tratamientos que se-y asocien pertenecen al ámbitu la ciencia.
Freud morrió'n 1939 por una sobredosis de morfina inxectada por un collaciu a pitición del propiu Freud, que nun podía tolerar los dolores del cáncer que padecía.
[editar] Referencies
- The Wolf-Man: conversations with Freud's patient sixty years later, Karin Obholzer.
- Decadencia y Caída del Imperio Freudiano, J. Eysenck [1].
[editar] Enllaces esternos
- Vida y Obra de Sigmund Freud (en castellanu)
- Diccionariu de psicoanálisis (en castellanu)
