ფროიდი, ზიგმუნდ
ვიკიპედიიდან
ზიგმუნდ ფროიდი (*1856 წლის 6 მაისს იმ დროისთვის ავსტრიის იმპერიის ქალაქ ფრაიბერგში (ამჟამად ჩეხეთის ქალაქი პრჟიბორი) ― † 23 სექტემბერი, 1939, ლონდონი), ავსტრიელი ნევროპათოლოგი, ფსიქიატრი, ფსიქოლოგი, ფსიქოანალიზის ფუძემდებელი. განათლება ვენის უნივერსიტეტში მიიღო.
ფროიდი სამართლიანად ითვლება თანამედროვე ფსიქიატრიის ყველაზე მნიშვნელოვან პერსონად. იგი არის სიღრმის ფსიქოლოგიის, როგორც ადამიანის ახალი ხედვის დამფუძნებელი. მისი ფსიქოლოგიური თეორია ფსიქოანალიზი არის ერთ-ერთი სიღმის ფსიქოლოგიური თეორიაა – თუმცა პირველი და უმნიშვნელოვანესი.
ფროიდი 83 წლის ასაკში გარდაიცვალა ლონდონში 1939 წლის 23 სექტემბერს ხახის კიბოთი, მან 33-ჯერ გაიკეთა ოპერაცია, ბოლო წლები იგი ატარებდა ხახის პროტეზს, მაგრამ მაინც არ წყვეტდა სიგარის წევას. მისი მეცნიერული შემოქმედება ცხოვრების ბოლომდე გრძელდებოდა, თუმცა ბოლო 4 წლის განმავლობაში იგი ლექციებს ვეღარ კითხულობდა და ცხადია ვეღარც ფსიქოთერაპიას ეწეოდა კლიენტებთან, რადგან პირის ღრუსთან დაკავშირებულმა სიმსივნურმა პრობლემებმა მისი ხმა ძალიან დაასუსტა. მისი საყოველთაოდ ცნობილი გარდაცვალების ფაქტი ასეთია: ფროიდმა თავად სთხოვა ექიმს მორფინის ზედმეტი დოზა მიეწოდებინა მისთვის, რადგან იგი ძალიან იტანჯებოდა და ტკივილების გადატანას აზრიც აღარ ჰქონდა. იგი სიკვდილის დროსაც შეგნებულ მდგომარეობაში იმყოფებოდა.
[რედაქტირება] ცნობილი ფრაზები
- "ჩვენი საუკეთესო სათნოებანი ამოზრდილია უბოროტეს მიდრეკილებათა ნიადაგზე."
- "ფსიქიკურიდან წინასწარგანზრახულობის გამორიცხვა არ შეიძლება."
- "ჩვენს ყოველდღიურ ცხოვრებას არც თუ ისე იშვიათად სიზმრისეულობა ახასიათებს."
 |
ეს დაუსრულებელი სტატიაა პიროვნების შესახებ. თქვენ შეგიძლიათ დაეხმაროთ ვიკიპედიას და შეავსოთ იგი. |
