Inconus
Diwar Wikipedia, an holloueziadur digor
War-lerc’h emsavadeg ar Vretoned a-enep an Normaned er bloaz 931, ma voe lazhet o mestr Felecanus, e teuas Inconus pe Incon (un distummadur eus Hákon moarvat) da vezañ mestr Normaned Breizh.
Gant harp Gwilherm Hir Gleze e kasas da benn un enep-argad. Rankout a reas Alan Varvek mont da Vro-Saoz en harlu adarre.
Freuzet e voe e c’halloud adal ar bloaz 936 gant distro Alan Varvek a adsavas da vat galloud ar Vretoned e Breizh e 939.
[kemmañ] La chanson d’Aiquin
La chanson d’Aiquin (Kanenn Aiquin), skrid gallek eus an XIIvet kantved, a gont troioù brezel ar Vretoned a-enep an Normaned evit dieubiñ o bro. An anv Aiquin zo eveljust evit Hákon.
| En e raok: Felecanus |
Penntiern da vare reuziad an Normaned | War e lerc'h: Alan Varvek |
