Ŝtonroko

El Vikipedio

Ŝtonroko (el la angla hard rock) estas rokenrola ido kies fruaj komencoj tempas en la 1960-oj. Tiu muziktipo ricevis fortan influon de la garaĝa kaj psikedela roko sed distingiĝis per peza uzo de saturita elektra gitaro, basgitaro kaj drumoj.

Oni kutimas konfuzi la du esprimojn Ŝtonroko kaj Metalroko kaj la malsameco inter la du muzikspecoj ofte kaŭzas kverelojn inter fakuloj. Fakte, metalroko naskiĝis unu jardeko post la ŝtonroko, kaj povas esti konsiderita kiel ŝtonroka ŝoso. Dum la ŝtonroko estas prefere agresema kaj montras gravajn blusajn influojn, metalroko estas pli potenca kaj peza. Fruajn metalrokajn grupojn kiel Black Sabbath, Led Zeppelin kaj Deep Purple oni nun konsideras ambaŭ metalroka kaj ŝtonroka, dum grupojn kiel AC/DC, Aerosmith, Nazareth, Status Quo, Guns N' Roses aŭ Kiss oni precipe konsideras ŝtonroka.