Distrikto Odenwald

El Vikipedio

blazono	mapo

Bazaj datumoj
Federacia Lando:	Hesio
Regiono:	Distriktaro Darmstadt
Administra urbo:	Erbach
Areo:	623,97 km²
enloĝantoj:	100.282 (septembre 2005)
enloĝantoj po km²:	161
aŭtokodo:	ERB
Komunumoj:	15
Adreso de la distrikta administrejo:	Michelstädter Str. 12 64711 Erbach
rete:	www.odenwaldkreis.de
Mapo

La distrikto Odenwald (germane Odenwaldkreis) situas en la federacia lando Hesio de Germanio. Najbaras norde la distrikto Darmstadt-Dieburg, oriente la bavara distrikto Miltenberg sudoriente la baden-virtemberga distrikto Neckar-Odenwald, sude la same baden-virtemberga distrikto Rhein-Neckar kaj sudokcidente kaj okcidente la distrikto Bergstraße. Nur iom pli ol 100.000 enloĝantoj vivas sur ĝia tereno: laŭ tiu kriterio ĝi estas la plej eta subdistrikto de Hesio.

[redaktu] Geografio

La distrikto nur konsistigas la mezan parton de la mezmontaro Odenvalda, kiu ankaŭ etendiĝas orienten en la hesan distrikton Bergstraße, kaj orienten en Bavarion kaj Baden-Virtembergon.

[redaktu] Trafiko

La distrikto Odenwald estas la sola parto de Hesio sen rekta aliro al aŭtoŝoseo. Tial aparte gravas la federaciaj stratoj, precipe la stratoj B 38 al Darmstadt nordokcidente kaj Weinheim sudokcidente, la B 45 al Hanau, Darmstadt kaj Aschaffenburg norde kaj Eberbach sude, la B 47 al Worms okcidente kaj Amorbach oriente, kaj la B 426 al Darmstadt-Eberstadt okcidente kaj Obernburg oriente.

Fervoja linio, kiu norde-sude pasas la komunumojn Höchst, Bad König, Michelstadt kaj Erbach, ligas la distrikton sude al Eberbach, nordokcidente al Darmstadt (kaj Frankfurt), norde al Groß-Umstadt, Babenhausen kaj Hanau.

[redaktu] Historio

Ĝis 1806 la distrikto Odenwald, en similaj limoj kiel nun, estis suverna dukejo, regata de la dukoj de Erbach. Ekde 1874 la distrikto nomiĝis "Kreis Erbach", ekde 1972 "Odenwaldkreis".